Փաստ ինֆո

Թուրքիայի Բուրսա նահանգի առողջապահության դեպարտամենտը մեկ ամսով փակել է ատամնաբուժարանը․ բժշկի մոտ ընդունելությունից անմիջապես հետո 5-ամյա հիվանդի մահվանից հետո կատարվում է բժշկի գործունեության հետաքննություն, հայտնում է Hürriyet թերթը։

Տղայի ծնողները՝ Ելենան և Այդին Սոնմեզները, ոստիկանությանը հայտնել են, որ նոյեմբերի 10 – ին նրան տարել են մասնավոր ատամնաբուժարան, որտեղ նրա մոտ կարիես են հայտնաբերել։ Բժիշկները ընդհանուր անզգայացման տակ մեկ ատամ են հեռացրել և չորս ատամի վրա լցոններ տեղադրել։ Արդեն ընդունելության ժամանակ երեխայի մոտ արյունահոսություն է սկսվել, ջերմությունը բարձրացել, երեխան սկսել է ցնցվել։ Բժիշկներն, այնուամենայնիվ, դեղորայք են դուրս գրել եւ նրան տուն թողել։

Շուտով երեխան կրկին վատացել է, և ծնողները նրան տեղափոխել են պետական հիվանդանոց, սակայն բժիշկներին չի հաջողվել փրկել երեխային. նոյեմբերի 13 – ին տղան մահացել է բազմաօրգանական անբավարարությունից՝ թթվածնի պակասի պատճառով:

Իշխանությունները նոյեմբերի 16-ից մեկ ամսով փակել են հիվանդանոցը, դատախազությունը ստուգումներ է սկսել։ Տղայի ծնողները պատմել են, որ անեսթեզիոլոգը անզգայացումից առաջ ոչ մի թեստ չի անցկացրել և հեռացել է կլինիկայից՝ չսպասելով, որ երեխան ուշքի գա վիրահատությունից հետո:

Աղբյուր` Փաստինֆո