Փաստ ինֆո

Ադրբեջանում բացահայտվել են բնապահպանական ոլորտում կոռուպցիոն հանցագործություններ կատարած դեպքեր, երկու պաշտոնյա է կալանավորվել: Այս մասին հայտնում են ադրբեջանական ԶԼՄ-ները՝ հղում կատարելով երկրի գլխավոր դատախազությանը:

Հաղորդվում է, որ իրականացված օպերատիվ-հետախուզական միջոցառումների արդյունքում, որն իրականացվել է Ադրբեջանի Էկոլոգիայի և բնական պաշարների նախարարության անտառտնտեսության զարգացման ծառայության անտառային ֆոնդերի օգտագործման բաժնի պետ Սադիգ Սալմանովի և Զարգացման ծառայության անտառտնտեսության Զագաթալայի տարածաշրջանային անտառային կենտրոնի տնօրեն Ռաշադ Մախմուդովի անօրինական գործողությունների վերաբերյալ ստացված տեղեկատվության հիման վրա, հարուցվել է քրեական գործ՝ Գլխավոր դատախազությանն առընթեր հակակոռուպցիոն գլխավոր վարչությունում։ Իրականացված օպերատիվ-հետախուզական միջոցառումների արդյունքում բացահայտվել է, որ Սադիգ Սալմանովը որպես կաշառք է ստացել է 3 հազար մանաթ՝ խոստանալով քաղաքացուն ապօրինի աճուրդով տրամադրել անտառային արժեքավոր նյութ։ Բացի այդ, հիմնավոր կասկած կա, որ Սադիգ Սալմանովը, Ռաշադ Մախմուդովի հետ համաձայնության գալով, բազմիցս ստացել է ընդհանուր 3 հազար մանաթի կաշառք՝ իրեն պաշտոնական ընթացակարգերից դուրս մոտեցած քաղաքացուն արժեքավոր փայտանյութ տրամադրելու դիմաց։ Երկու պաշտոնյաներն էլ ձերբակալվել են՝ քաղաքացուց կաշառքը ստանալու պահին, նրանց աշխատասենյակներում և մեքենաներում խուզարկությունների ընթացքում հայտնաբերվել և առգրավվել են գործի համար կարևոր ապացույցներ։

Հավաքագրված նախնական ապացույցների հիման վրա Սադիգ Սալմանովին մեղադրանք է առաջադրվել Քրեական օրենսգրքի 311.3.1 (մի խումբ անձանց կողմից նախնական համաձայնությամբ կաշառք ստանալը) և 311.3.2 (կրկնակի կաշառք ստանալը) հոդվածներով, իսկ Ռաշադ Մախմուդովին մեղադրանք է առաջադրվել նույն օրենսգրքի 311.3.1 հոդվածով: Դատարանի որոշմամբ նրանք ազատվել են պաշտոնից և կալանավորվել։

Աղբյուր` Փաստինֆո