Փաստ ինֆո

Լիպոֆիլինգի միջոցով հետույքի մեծացման դեպքում կարող են առաջանալ բորբոքում, ճարպի սխալ բաշխում և ավելի լուրջ բարդություններ, նախազգուշացրել է պլաստիկ վիրաբույժ Դմիտրի Զիմինը: Կազմվածքի շտկման այս մեթոդի վտանգավոր առանձնահատկությունների մասին փորձագետը պատմել է «Լենտա.ռու»-ին:

Պլաստիկ վիրաբույժի խոսքով՝ լիպոֆիլինգի միջոցով մարմինը շտկելիս պացիենտից բառացիորեն պոկում են ճարպային կուտակումները, բջիջները տեղադրում հատուկ տարայի մեջ, մշակում եւ ներարկում խնդրահարույց գոտի: Սակայն պրոցեդուրայից հետո ոչ թե ամբողջ ճարպն է ընտելանում, այլ միայն 60-70 տոկոսը, նախազգուշացրել Է մասնագետը։

Այս տեսակի պլաստիկ վիրահատությունը հատուկ նախապատրաստություն չի պահանջում, շարունակել է Զիմինը։ Այն անցկացնելուց առաջ հիվանդին միայն ուլտրաձայնային հետազոտություն են անցկացնում, որպեսզի գնահատեն ենթամաշկային ճարպային հյուսվածքի, խորը հյուսվածքների եւ ներքին օրգանների վիճակը, բացատրել է նա:

Լիպոֆիլինգը օպտիմալ կերպով հարմար է հետույքը մեծացնելու համար, քանի որ մարմնի այս մասում ենթամաշկային ճարպի հաստությունը այնպիսին է, որ հնարավոր է տեղադրել անհրաժեշտ քանակությամբ ճարպ։

Սակայն, ինչպես յուրաքանչյուր ընթացակարգ, լիպոֆիլինգը նույնպես ունի մի շարք հակացուցումներ, նախազգուշացրեցշլ է Զիմինը: Նա նշել է, որ հիվանդը պետք է հասկանա, որ եթե նա շատ քիչ ճարպ ունի, ապա պետք չէ որակական արդյունքի հույս ունենալ։

Մյուս հակացուցումները սրտանոթային համակարգի հիվանդություններն են, ծանր դեկոմպենսացված քրոնիկ հիվանդությունները, արյան մակարդման խանգարումները, քաղցկեղը։

Զիմինը հավելել է, որ ճարպի օգնությամբ հետույքը մեծացնելը շատ կողմնակի բարդություններ ունի, այդ թվում՝ բորբոքում և ճարպի ոչ պատշաճ բաշխում: «Կա նաև մի շատ կարևոր կետ, որի մասին պետք է իմանալ. ճարպը պետք է ներարկել միայն ենթամաշկային ճարպի մեջ։ Եթե ներարկել խորը շերտերի մեջ, ապա հնարավոր են բարդություններ ընդհուպ մինչև մահ», - զգուշացրել է պլաստիկ վիրաբույժը։

Աղբյուր` Փաստինֆո