Փաստ ինֆո

Պարզ է, որ ՀԱՊԿ-ի հետ հարաբերությունների մեջ կան խնդիրներ, բայց այդ կառույցի հետ ստեղծվել է պայմանաիրավագրային մի ամբողջ փաթեթ և հատկապես ռազմական կոմպոնենտի մեջ ՀՀ-ն մեծ ներգրավվածություն է ունեցել։ Հայաստանի Հանրապետությունը և Արցախը գտնվում են բավականին բարդ ռազմաքաղաքական իրավիճակում և այդ սպառնալիքները խորանում են։ Չգնալ ՀԱՊԿ-ի միջոցառումներին, նիստերին՝ նշանակում է ևս մեկ անգամ վտանգի տակ դնել մեր տարածաշրջանը և Հայաստանի Հանրապետությունը։

Այս մասին ԱԺ-ում լրագրողների հետ զրույցում ասաց «Հայաստան» խմբակցության ղեկավար Սեյրան Օհանյանն՝ ընդգծելով, որ մենք այդ դաշինքի անդամ ենք և պետք է այդ դաշինքի շրջանակներում ձևավորենք մեր հարաբերությունները։

«Իհարկե, շատ դեպքերում հարաբերությունների վատթարացումը նաև կախված է եղել ՀՀ իշխանություններից։ Ես գտնում եմ, որ ՀՀ-ն բոլոր այն կառույցներում, որտեղ մասնակցություն ունի, հատկապես ռազմաքաղաքականն այդ դաշինքում՝ ՀԱՊԿ-ում, պետք է գնա մասնակցի նիստերին, եթե ունի խնդիրներ՝ իր հարևանների, դաշինքի անդամ երկրների հետ, ապա այդ դրանք պետք է բարձրաձայնի հենց այն հարթակներում, որտեղ նման միջոցառումներ են իրականացվում»։

Անդրադառնալով ՀԱՊԿ-ի կողմից պարտականությունների չկատարմանը վերաբերող հարցին՝ Օհանյանն ասաց, որ ինքը նույնպես խնդիրներ տեսնում է, բայց այդ խնդիրների մասին խոսել։ «Բայց ՀԱՊԿ-ի վրա այնպիսի խնդիրներ են դրվում, որի իրականացնողը ՀՀ-ն է, ՀԱՊԿ-ի որևէ երկիր չի գալու ամրապնդի մեր սահմանները, չի գալու մեր բարձրունքներում, ռազմավարական կետերում խրամատներ փորի, ՀԱՊԿ-ի խնդիրն ավելի գլոբոլ է»։

Աղբյուր` Փաստինֆո