Փաստ ինֆո

Տեղի է ունեցել արտահոսք Նիկոլ Փաշինյանի և իր տերերի խոսակցությունից։ Այս մասին այսօր ԱԺ հայտարարությունների ժամին ասաց «Պատիվ ունեմ» խմբակցության պատգամավոր Աննա Մկրտչյանը։

«Նիկոլն ասում է՝ տերեր ջան, ինձ ասում էիք՝ աթոռս միայն ամրանալու է, ուղիղ հակառակն է, աթոռս օր օրի թուլանում է ամեն հաջորդ քայլով:
Չե՞ք հիշում ինչից սկսվեց. լիֆտի մեջ Ալիևին խնդրեցի չկրակի, որ նախկիններին հաղթել կարողանամ ու ձեր բոլոր հրահանգները կատարեմ: Էն ժամանակ հեշտ համաձայնվեց, ամեն ինչ լավ ստացվեց, ես էլ մտածեցի՝ Ալիևը կառուցողական է ու կիրթ, որ ամեն ինչ այդպես հեշտ ու հանգիստ անցնելու է:

Հետո ասացիք՝ հիշում ես չէ՞ ինչի ես եկել իշխանության, ասացի՝ հա, իհարկե, չեմ մոռացել։ Արցախը կտամ, որ հանգիստ ապրեմ: Կեսը՝ պատերազմով, էն մի կեսը՝ առանց պատերազմի՝ գրավոր-բանավոր կարևոր չի, ամեն ինչ կկազմակերպեմ:

Հետո ասացիք բլոկադա։ Էդ էլ եղավ, մի քանի տասնյակ արցախցի սովամահ էլ եղան:

Հետո ասացիք՝ ասա Արցախը Ադրբեջան է, ասացի՝ իհարկե, Ադրբեջան է:

Երկու օրվա մեջ 120 հազարից դատարկեցի, անգամ դուք մնացիք զարմացած:

Հետո Արցախի ղեկավարության մասով էլ ըստ մեր պայմանավորվածության:

Հետո ասացիք՝ արի Գրանադա՝ աթոռդ վերջնական պնդացնենք, քանի որ Ալիևն էլ չի գալիս: Էդ էլ չօգնեց: Ասացիք՝ մի անգամ էլ Բրյուսել արի ու գնա հավերժ իշխի Հայաստանում:

Էլի չեղավ: Էս տեմպերով ես երկար չեմ ձգի էս աթոռին»:

Ըստ երևակայական զրույցի՝ այնուհետև Փաշինյանը պետմել է Վրաստան, Ֆրանսիա այցերի մասին։

«Գոնե նոյեմբերի 9-ին էլ Հայաստանում չեմ լինի, բայց մեկ է, աթոռս թուլանում ու թուլանում է:

Տեղս էլ եմ փոխել, աթոռս տարել՝ դրել եմ Բաղրամյան 26-ում, էլի չի օգնում, ասեք՝ հիմա ինչ անեմ:
Այնուևհետև՝ Մկրտչյանը ներկայացրեց «տերերի» պատասխանը, թե «Նիկոլ, լավ չի լսվում, ձայնդ կտրտվում է, տեղդ անհրաժեշտ է փոխել»:

Նիստը վարող ԱԺ փոխնախագահ Ռուբեն Ռուբինյանը Մկրտչյանի ելույթից հետո արձագանքեց. «Շնորհակալություն ձեր գեղարվեստական ստեղծագործության համար»:

Աղբյուր` Փաստինֆո