ԲՈԼՈՐ ՆՅՈՒԹԵՐԸ
6 ամիս առաջ արված գրառման համար Արագած Ախոյանը կալանավորվում է հիմա. Պաշտպանական կողմը տարակուսած է՝ ինչո՞ւ 11/07/2023 20:29 | ԼՐԱՀՈՍ
![](https://www.pastinfo.am/news_images/556/1666104_1/f654a668f55c85_654a668f55cc6.thumb.jpg)
Արագած Ախոյանի գործով որևէ ապացույց առկա չէ, անգամ ապացույց չկա, որ ֆեյսբուքյան էջը շահագործվում է իր կողմից։ Այս մասին «Փաստինֆո»-ի հետ զրույցում հայտնեց Արագած Ախոյանի պաշտպան Գոռ Վարդանյանը։
Հիշեցնենք, որ ԱԺ նախկին պատգամավոր, հասարակական-քաղաքական գործիչ Արագած Ախոյանը մեկ ամսով կալանավորվել է՝ ամիսներ առաջ՝ հունիսի 8-ին, ֆեյսբուքյան էջում կատարված գրառման համար։ Իրավապահները ենթադրաբար Ախոյանի գրառումը դիտարկել են որպես բռնության կոչ և քրեական վարույթ նախաձեռնել, իսկ ամիսներ անց՝ նոյեմբերի 6-ին ձերբակալել, ապա՝ կալանքի ներկայացրել Ախոյանին։ Նրան մեղադրանք է ներկայացվել ՀՀ քրեական օրենսգրքի 330-րդ հոդվածի 2-րդ մասի 3-րդ կետի հատկանիշներով։
Ընդ որում, ինչպես պարզվեց, այս ընթացքում Ախոյանի մասնակցությամբ որևէ գործողություն չի իրականացվել, ամիսներ անց պարզապես ձերբակալել են՝ կալանավորման միջնորդության քննարկման համար դատարան ներկայացնելու հիմքով։ Պաշտպանության կողմը միջնորդել էր Ախոյանի նկատմամբ որպես խափանման միջոց կիրառել գրավը՝ 5 մլն դրամի չափով և տնային կալանքը, սակայն դատարանը որոշել է մասնակի բավարարել միջնորդությունը՝ Ախոյանի նկատմամբ որպես խափանման միջոց ընտրելով կալանավորումը՝ մեկ ամիս ժամկետով։
Դատարանի որոշումը պաշտպանության կողմը դեռևս չի ստացել, սակայն արդեն իսկ ունեն որոշում այն բողոքակելու՝ վիճարկելով թե՛ հիմնավոր կասկածի առկայությունը, թե՛ կալանավորման հիմքերը։ Փաստաբան Գոռ Վարդանյանը հայտնում է, որ քրեական վարույթը նախաձեռնվել է հուլիսի 31-ին և մինչև հոկտեմբերի 20-ը Արագած Ախոյանին առհասարակ չեն հրավիրել, որևէ գործողություն չի իրականացվել, քրեական վարույթում էլ՝ առհասարակ գործողություններ չկան։
«Հոկտեմբերի 20-ին վկա-կասկածյալի կարգավիճակով հարցաքննել են, Արագած Ախոյանը հայտնել է, որ առանց փաստաբանի է ներկայացել, ուստի խնդրել է ժամանակ տրամադրել, որ փաստաբանի հետ ներկայանա։ Հոկտեմբերի 20-ից մինչև նոյեմբերի 6-ը նրան չեն կանչել, միանգամից ձերբակալման որոշում են կայացրել՝ դատարան ներկայացնելու համար»,- նշեց Վարդանյանը՝ հավելելով, որ դատարանում այդպես էլ չեն ստացել պատասխանն այն հարցի, թե ինչու են այժմ կալանավորում Արագած Ախոյանին՝ շուրջ վեց ամիս առաջ կատարված գրառման համար, առնվազն ինչ փոփոխություններ են կատարվել առհասարակ քրեական գործով, կալանավորման միջնորդությանը կից որևէ նյութ չկա, միայն մեկ վկայի հարցաքննություն է, որը բարեկամ է և հայտնել է, որ «Արագած Ախոյան» ֆեյսբուքյան օգտատերին ճանաչում է իր բարեկամ։ Որևէ այլ ապացույց, փաստաբանի դիտարկմամբ, առկա չէ։ Ավելին, պարզվում է՝ իրավապահներն անգամ տվյալներ չունեն, որ տվյալ ֆեյսբուքյան էջը հենց Ախոյանին է պատկանում։
«Քրեական վարույթով ապացույց չկա, որ հիշյալ՝ «Արագած Ախոյան» էջը վարել և շահագործել է Արագած Ախոյանը, քանի որ միայն ֆեյսբուքյան էջի հղումն է նշված, ո՛չ IP հասցե կա, ո՛չ դոմեյնով նույնականացում։ Ուստի, եթե չունենք ապացույցները, չենք էլ կարող ասել՝ արդյո՞ք իմ պաշտպանյալն է նման գրառում կատարել, թե ոչ»,- նշեց Վարդանյանը։
Կալանավորման միջնորդության հիմքում մեղադրանքի կողմը մատնանշել է Ախոյանի կողմից գործի քննությանը խոչընդոտման և հնարավոր նոր հանցանք կատարելու հավանականությունը։
«Մեր կողմից հարց է բարձրացվել, թե ինչով կարող է խոչընդոտել Արագած Ախոյանը, եթե գրառումը կատարվել է հունիսի 6-ին, անցել է շուրջ վեց ամիս և վեց ամիս անց ինչով պետք է խոչընդոտի։ կցկտուր պատասխաններ, վերացական նախադասություններ, ոչինչ ավելին»,- արձանագրեց Վարդանյանը։
Ինչ վերաբերում է նոր հանցանք կատարելու հավանականությանը, որը մեղադրանքի կողմը մատնացույց է արել՝ հիշեցնելով Արագած Ախոյանի վերաբերյալ քննվող երկու գործերը, որոնցով Ախոյանի նկատմամբ որպես խափանման միջոց է կիրառվել բացակայելու արգելքը, ապա պաշտպանության կողմի դիտարկմամբ՝ այդկերպ խախտվում է Ախոյանի անմեղության կանխավարկածը․ «Մեզ համար անհասկանալի է, թե ինչու են 2023թ․ հունիսի 8-ից հետո՝ առնվազն վեց ամիս անց, մեղադրանք ներկայացնում և կալանավորում»։
Արագած Ախոյանը քրեական վարույթի շրջանակներում ցուցմունք չի տվել։ Դիտարկմանն ի պատասխան, որ «ՔՊ»-ական պատգամավորների կողմից անգամ ՄԻՊ ընտրության ժամանակ հնչում էր «ականջ կտրելու» և այլ առերևույթ բռնության կոչեր պարունակող հայտարարություններ, սակայն իրավապահները դա չեն տեսնում, փոխարենը, Արագած Ախոյանը կալանավորվում է վեց ամիս առաջ արված հայտարարության համար՝ Վարդանյանը վերահաստատեց իրավապահների կողմից դրսևորվող երկակի ստանդներով մոտեցումը։
«Գործ ունենք երկակի ստանդարտների և սուբյեկտիվ մոտեցման հետ։ Թե տեսնում և աչք են փակում՝ չեմ կարող ասել, հասցեատերը ես չեմ, ուստի չեմ կարող պատասխանել, բայց միանշանակ գործ ունենք երկակի ստանդարտների հետ՝ որոշ հանգամանքներ իրենց համար նորմալ է, իսկ Արագած Ախոյանի դեպքում ցանկացած հայտարարություն կարող է դիտարկվել որպես բռնության կոչ»,- արձանագրեց Վարդանյանը։
Փաստաբանը նաև հիշեցրեց «Վարդան Մուրադյանն ընդդեմ ՀՀ» գործով նախադեպը, որով անդրադարձել են ՀՀ-ում կալանավորման նիստերին, որ մշտապես վերացական նախադասություններ են լինում, սույն գործն ամբողջությամբ կառուցված է վերացական ենթադրյալ փաստերի հիման վրա։
Հեղինակ՝ Իզաբել Սահակյան
Հարակից հրապարակումներ`
Տեսանյութեր
![](https://www.pastinfo.am/video_images/12/35370_1/f661914cf769d1_661914cf76a34.jpg)
Տեսադարան
![](https://www.pastinfo.am/cache_image/album_main_images/1/6806/mhm0156502.thumb-270x158.jpg)
Մամուլ
- 07/03/2024 08:19 Համալսարանը կորցրել է, հիմնադրամը՝ գտել․ «Հրապարակ»
- 07/03/2024 08:15 Փաշինյանը մղվում է դեպի Պուտինի գիրկը․ «Հրապարակ»
- 07/03/2024 08:12 Բնակարան Նոր Նորքում, հողամաս Ծաղկաձորում, 15 մլն դրամ վարկ և 686 հազար դրամ բանկային մնացորդ․ ի՞նչ է հայտարարագրել Արսեն Թորոսյանը. «Ժողովուրդ»
- 07/03/2024 08:08 Շարժումը նոր թափով վերսկսվելու է․ «Հրապարակ»
- 07/03/2024 08:04 Ով է Բագրատ սրբազանին հունից հանող աղջիկը․ «Հրապարակ»
- 07/03/2024 07:51 Կարծես ՔՊ-ականները ԵՄ անդամակցության հանրաքվեի էին պատրաստվում, իսկ Փաշինյանը դրա կարիքը չի տեսնում. հերթական միանձնյա որոշումը. «Ժողովուրդ»
- 07/03/2024 07:48 79 հաստիք, 15 մեքենա, միլիոնավոր դրամների աշխատավարձի ֆոնդ, բայց ոչ մի աշխատանք․ «Սեւան» ազգային պարկում կենդանության նշանները բացակայում են․․ «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 06/30/2024 16:26 Սառցապատ Արարատից հրաբուխ է ժայթքելու, սա խորհրդանշելու է հայոց վերելքը․ Աշոտ դպիր Արևշատյան
- 06/19/2024 13:30 Փողոցով իշխանության գալը ՔՊ֊ի մենաշնորհն է, մյուսներին հակացուցված է
- 06/03/2024 20:11 Էն մարտավարությունը, որ կար նախկինում, երբ մեկ ոստիկանի ցուցմունքով մարդկանց կալանավորում էին, Սրբազանի շնորհիվ փոխվեց. Հարությունյան (տեսանյութ)
- 05/28/2024 20:29 Մենք համարում ենք, որ կառավարության քայլերը ճիշտ չեն, բայց դեմ չենք դրան,վերապահումներով, բայց աջակցում ենք կառավարության ջանքերին. Խզմալյան
Մեկնաբանություն
- 07/03/2024 17:30 Բաքվում Կանադայի դեսպանի հետ հանդիպման ժամանակ Բաքվի բռնապետ Ալիևը հերթական անգամ Հայաստանի Հանրապետության տարածքը կոչել է «Արևմտյան Ադրբեջան». ադրբեջանագետ
- 07/03/2024 16:18 3 զինվորի մահ 18 օրում. իրավապաշտպան
- 07/03/2024 14:38 ՔԿ-ն ԱԱԾ-ի հետ համատեղ է քննչական գործողություններ իրականացնում Արաբկիր վարչական շրջանի գրասենյակում, կան ձերբակալվածներ․ ՔԿ
- 07/03/2024 14:21 Արցախի ԱԺ «Միասնական հայրենիք» խմբակցության ղեկավար Մարսել Պետրոսյանն ազատվել է պաշտոնից
Արխիվ
Արտակարգ պատահարներ
- 07/03/2024 10:19 Փակ ավտոճանապարհներ կան
- 07/02/2024 23:49 Կանխվել է քաղաքացու ինքնասպանության փորձը
- 07/02/2024 18:34 Երևան-Մեղրի ավտոճանապարհին բախվել են ավտոմեքենաներ . կան տուժածներ
- 07/02/2024 10:41 ՆԳՆ-ում դեռ ճշտվում է, թե որքանով է «Շիրակ» օդանավակայանում ռումբի ահազանգը իրական կամ կեղծ. Նարեկ Սարգսյան
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 07/03/2024 17:53 Աղջիկը փեսացուին բռնել է մոր հետ դավաճանելիս ու իմացել, որ նրանք համատեղ երեխա ունեն
- 07/02/2024 21:40 Նախկին դայակը հայտարարել է Քենեդի կրտսերի կողմից ոտնձգությունների մասին
- 07/02/2024 19:30 Tesla մեքենաներում ախտահանման գործառույթ կավելացվի
- 07/02/2024 14:49 Ինչպես հաղթահարել ծերանալու վախը
Հետաքրքիր է իմանալ
- 07/01/2024 17:32 Հումորը հանում է սթրեսը և օգնում է բարելավել հաղորդակցությունը. հոգեբան
- 06/30/2024 21:32 Պոտենցիալ վտանգավոր աստերոիդն անցել է Երկրի կողքով՝ 300 հազար կմ հեռավորության վրա
- 06/28/2024 13:46 Փաստաթղթում տառասխալի պատճառով բանտից ազատ է արձակվել վտանգավոր հանցագործ
- 06/27/2024 18:18 Քաղաքապետարանում աշխատող ռոբոտն ինքնասպան է եղել