Փաստ ինֆո

Անվտանգային առումով իրավիճակը նույնն է, ոչ մի փոփոխություն չունենք։ Հանդարտ է, ՊՆ-ն ինչպես հանդես է եկել հայտարարությամբ, այդ նույն վիճակն է։ Այս մասին լրագրողների հետ զրույցում ասաց Գեղարքունիքի մարզպետ Կարեն Սարգսյանը։

«Վերջին օրերին, կրկնում եմ, ՊՆ-ն հաղորդագրություններ տաևածում է, կրակոցների մասին ոչ մի լուր չենք ստացել։ Ինչ վերաբերում է Սոթքի հանքավայրին, ապա այն մասնակի աշխատում է, փակ հանքում աշխատանքներն իրականացվում է։ Եղել է բաց մաս, որն արդեն քանի ամիս է՝ չի աշխատում»,- նշեց մարզպետը՝ հավելելով, որ մարզում կյանքը բնականոն հունով առաջ է գնում, այժմ՝ բերքահավաքով են զբաղված։

Հարցին ի պատասխան՝ անվտանգային խնդիրների լուծումն ինչպես է տեսնում, մարզպետը նշեց՝ ադրբեջանական ԶՈՒ-երը հետ պետք է գնան և դուրս գան ՀՀ տարածքից։ Իսկ թե Գեղարքունիքում հակառակորդն ինչքան տարածք է օկուպացրել՝ մարզպետը զերծ մնաց մանրամասնելուց։

Աղբյուր` Փաստինֆո