Փաստ ինֆո

Ցանկացած կազմակերպությունում աշխատանքային հարաբերությունները կառուցվում են աշխատանքային օրենսգրքի հիման վրա և, բնականաբար, բոլոր այն դեպքերում, երբ աշխատանքային օրենսգրքով սահմանված կարգավորումները չեն պահպանվում, դրան հաջորդում են համապատասխան քայլերը։ Այս մասին լրագրողների հետ զրույցում ասաց ԿԳՄՍ փոխնախարար Արաքսիա Սվաճյանը՝ անդրադառնալով Հովհաննես Թումանյանի տուն-թանգարանի տնօրենին աշխատանքից ազատելուն։

Սվաճյանի խոսքով՝ խնդիրը ոչ թե Թումանյանին ներկայացնելն է եղել, այլ գործուղման մեկնելու համար իր գործատուի կողմից հրահանգ ու հրաման չունենալը։ Նրա խոսքով՝ ցանկացած տնօրեն, ով արձակուրդ կամ գործուղման է մեկնում, նախարարի հրամանով ունենում է դա իրացնելու իրավունքը։

«Եթե այդ հրամանն առկա չէ... Անկախ նրանից, թե ինչ ֆինանսական միջոցներով ու գործընթացներով է այդ գործուղումն իրականցվել՝ կա հստակ հրաման, բայց այդ հրամանը չի եղել»,- նշեց նա։

Հարցին՝ նախարարն ուզում է իր մտերիմին այդ պաշտոնում նշանակել, ինչպես իրեն, ով Անդրեասյանի ընկերուհին է՝ Սվաճյանը պատասխանեց, որ դրանք անձնական մեկնաբանություններ են, որոնք որևէ հիմք չունեն։

«Ի՞նչ նկատի ունեք ընկերուհի ասելով։ Ընկերությունը մեծ հասկացություն է։ Ես տիկին Անդրեասյանի հետ որևէ առնչություն չեմ ունեցել»,- նշեց նա։

Աղբյուր` Փաստինֆո