Փաստ ինֆո

ԻՌՆԱ-տարածաշրջանը հասել է եռման կետին և կարող է պայթել ցանկացած պահի: Ուստի, ես կարծում եմ, որ քանի դեռ քիչ ժամանակ և հնարավորություններ կան քաղաքական լուծման և պատերազմը դադարեցնելու համար, եթե գործողություններ չձեռնարկվեն, այդ վառոդի տակառի պայթյունը կարող է անխուսափելի լինել:

Այս մասին «The New York Times» - ին տված հարցազրույցում հայտարարել Է Իրանի արտաքին գործերի նախարար Հոսեյն Ամիր Աբդոլլահիանը։

«Այդ դեպքում վերահսկողությունը կհայտնվի բոլոր կողմերի ձեռքերից դուրս։ Հետևաբար, իմ խորհուրդը Սպիտակ տանը. եթե նրանք իրականում չեն ձգտում տարածաշրջանում պատերազմի ընդլայնմանը, ապա պետք է փորձեն դադարեցնել այն: Բայց եթե նրանք ձգտում են բարձրացնել պատերազմի ինտենսիվությունը տարածաշրջանում, նա նույնպես պետք է պատասխանատվություն ստանձնի», - ասել է նախարարը։

«Այն խմբերը, որոնք առաջացել են Իրաքում, Սիրիայում և տարածաշրջանում այս տարիներին ԻԳԻԼ-ի դեմ պայքարելու համար և միջոցներ են ձեռնարկել նրա դեմ պայքարելու համար, ադ խմբերը դեմ են ցանկացած գործողության, որն ապակայունացնում է տարածաշրջանը, և եթե նրանք զգում են, որ իրենց անվտանգությունը կամ տարածաշրջանը վտանգի տակ է՝ կգործեն, - ասաց նա՝ հավելելով, որ «նրանք չեն ենթարկվում մեր հրամաններին, և խմբերը մեր տրամադրության տակ չեն»:

Նրա խոսքով՝ ըստ էության, այն մեկնաբանությունը, որ այդ խմբերը պրոքսի պատերազմ են վարում կամ պրոքսի գործողություններ են իրականացնում Իրանի Իսլամական Հանրապետության անունից, միանգամայն սխալ է։

«Եթե մենք ցանկանում ենք գործել, մենք միշտ թափանցիկ և բաց կհայտարարենք մեր դիրքորոշման մասին։ Ինչ վերաբերում է Պաղեստինին, ապա մենք միշտ բարձրաձայն և թափանցիկ ենք հայտարարել մեր դիրքորոշման մասին, և կարիք չկա այն թաքցնել։ Եթե ԱՄՆ-ն չի ձգտում ընդլայնել պատերազմի մասշտաբները, նա պետք է տեսնի տարածաշրջանի իրողությունները եւ որոշումներ չկայացնի կեղծ տեղեկատվության հիման վրա», - ընդգծել է Ամիր Աբդոլլահիյանը։

Աղբյուր` Փաստինֆո