Փաստ ինֆո

Իմ կարծիքով՝ Հայաստանում որևէ քաղաքական գործիչ չի կարող մտահոգվել իր նկատմամբ բնռությամբ, որովհետև ինքը գիտի, որ հանկարծ եթե նման մտահոգություն ունենա, շատ հանգիստ կարող է դիմել իրավապահներին կամ եթե կա այդտեղ վիրավորանք, կարող է քաղաքացիական հայցի շրջանակներում պաշտպանել իր իրավունքները։ Այս մասին լրագրողների հետ զրույցում ասաց ՀՀ արդարադատության նախարար Գրիգոր Մինասյանը։

«Ես գտնում եմ, որ մեզ ժառանգություն է հասել բավականին խարխլված արդարադատություն, բայց այսօր մեր քաղաքականության շնորհիվ և ռազմավարական նպատակների իրականացման շնորհիվ գնում ենք լավ ու ճիշտ ուղղությամբ։ Կան խնդիրներ, որոնք շատ են, բայց պրոցեսը գնում է դեպի առողջացում»,- ասաց Մինասյանը։

Մինասյանը վսհտահեցրեց՝ որևէ գործադիր իշխանության ներկայացուցիչ որևէ կերպ նույնիսկ հնարավորություն չունի ներազդելու դատական պրոցեսներին, ինչի վկայությունն, ըստ Մինասյանի, այն է, որ գործադիր իշխանությունն ունի բազմաթիվ դատական ակտեր, որոնք իրենց դեմ է։ Մինասյանի խոսքով՝ դատարանները կալանավորում են նաև գործող նախարարներին, փոխքաղաքապետերին։ Ինչ վերաբերում է Արմեն Աշոտյանի նկատմամբ քաղաքական հետապնդումներին, Մինասյանը նշեց, որ համաձայն չէ այն պնդումներին, թե Աշոտյանի նկատմամբ քաղաքական դրդապատճառներով է հարուցվել վարույթը։

«Տեսնում եմ օբյեկտիվ վարույթներ, որտեղ քրեական վարույթ իրականացնող իրավապահ մեր գործընկերների համար բացարձակ կապ չունի այդ մարդը որ քաղաքական բլոկից է։ Պետք է հասնենք նրան և գնում ենք այն ուղղությամբ, որ եթե մարդը կատարում է հանցագործություն, պետք է պատժվի՝ անկախ նրանից, թե ով ինչ քաղաքական փաթեթավորում է դրան տալիս»,- նշեց Մինասյանը։

Աղբյուր` Փաստինֆո