Փաստ ինֆո

Վերջին 2 տարում էականորեն սրվել է միջազգային իրադրությունը միջուկային պատերազմի հավանականուիթյունը դարձել է փորձագետների և քաղաքթական գործիչների քննարկման լրջագույն առարկան, մենք ապրում ենք սառը պատերազմից ի վեր երկրագնդի վրա հաստատված աշխարհակարգի փլուզման պայմաններում։

Այս մասին այսօր ԱԺ մշտական հանձնաժողովների համատեղ նիստում 2024 թվականի պետական բյուջեի նախագծի նախնական քննարկման ընթացքում ասաց ՀՀ վարչապետ Նիկոլ Փաշինյանը։

Նա ընդգծեց, որ այս իրավիճակը ՀՀ-ի համար ստեղծում է լրջագույն սպառնալիքներ, բայց այդ՝ սպառնալիքների գրագետ կառավարումը կարող է լրջագույն հնարավորություններ ստեղծել մեր պետության համար։
«Կարևոր եմ համարում ընդգծել, որ սպառնալիքների կառավարման համար նախ անհրաժեշտ է իրականացնել մտավոր հայեցակարգային աշխատանք, որի նպատակը ինքնահայեցումն է։ 32 տարվա մեր պետականության պետական կյանքի առանցքային կողմի վերլուծությունը՝ ինչ է մեզ համար անկախությունը, որն է ինքնիշխանության և անկախության մասին մեր հավաքական պատկերացումը, ինչ գործիք է մեզ համար պետականությունը և ինչ նպատակի համար է ծառայեցնելու այն մեզ անհրաժեշտ։
Սրանք հարցեր են, որոնց քաղաքական, փորձագիտական քննարկումը ազգային անվտանգության օրակարգ է։
Մեր պետականության հայեցակարգային հիմունքները ճշգրտելը առանցքային է փոփոխվող աշխարհում մեր մրցունակությունն ու կենսունակությունը ապահովելու համար։
Իմ վարչապետության հանրային երջանկություններով և ողբերգություններով լեցուն հնգամյա փորձն ինձ հանգեցրել է հետևյալ հայեցակարգային ձևակերպման, որն ուզում եմ առաջարկել որպես պետական հայեցակարգային ուղենիշ:

Այդ ուղենիշը հետևյալն է՝ հայրենիքը պետությունն է, սիրում ես հայրենիքդ, ուժեղացրու պետությունդ: Այս ձևակերպումը կամ կարգախոսը բխում է այն թեզից, գուցե, գիտակցումից կամ ընկալումից, որ մեր անկախության 32 տարվա ընթացքում մեր առանցքային հիմնախնդիրը եղել է պետության և հայրենիքի շահերի միջև առկա և շարունակաբար մեծացող լարումը, հայրենիքի և պետության ձգողականության երբեմն հակադիր ուղղությունները, պետության և հայրենիքի միջև ընտրություն կատարելու անհնարինությունը:

Բայց որքան էլ անհնարին լինի ընտրությունը, այն պետք է կատարվի: Եվ այդ ընտրությունը կատարելու պահին է գալիս ամենակարևոր գիտակցումը, որ պետությունը միակ և անփոխարինելի հայրենիքն է ու պետությունը, նրա անկախությունը, ինքնիշխանությունը, տարածքային ամբողջականությունը, ինստիտուտները կայացնելն ու զարգացնելն է, այդ գործին նպաստելը՝ հայրենասիրության գերադրական աստիճան; Այդց հասունացման ամենախորհրդանշալկան պահերից մեկը ՀՀ տարածքի 29 հազար 800 քառ. կմ լինելու մասին ԱԺ ամբիոնից իր արած հայտարարությանը հետևած բազմահազարանոց ցույցն էր, ինչից ակնհայտը էր, որ մենք՝ որպես հանրություն, մեր պետության միջազգայնորեն ճանաչված տարածքի չափի մասին այնքան էլ լավ պատկերացում չունենք»։

Նա ընդգծեց, որ սա ոչ այնքան չիմացության խնդիր, որքան կրած անհաջողությունների ու ձախողումների անկյունաքար:

Ըստ նրա՝ այս ամենից հետևություներ պետք է անել։

«Փլուզվող աշխարհակարգում մեր անվտանգության ապահովման միակ գործիքը հայրենիքի նույնականացումն է պետության, նրա տարածքի, միջազգայնորեն ճանաչված նրա սահմանների, նրա տարածքային ամբողջականության հետ: Եվ այս նպատակին է ծառայում վերը առաջարկված կարգախոսը՝ հայրենիքը պետությունն է, սիրում ես հայրենիքդ ուժեղացրու պետությունդ»:

Աղբյուր` Փաստինֆո