Փաստ ինֆո

Իսրայելի իշխանությունները վերջին օրերին վճռական բողոք են հայտնել՝ ի պատասխան միջազգային կազմակերպությունների, երկրների, քաղաքական առաջնորդների և գործարարների գործողությունների: Այսպես, Երուսաղեմը «անպատվության օրինակ» է անվանել ՄԱԿ-ի բանաձևը և ընդգծել, որ կազմակերպությունը «կորցրել է իր նշանակությունը»։ Իսրայելցիները նաև դատապարտել են Գազայում Starlink արբանյակային կապի ծառայություններ մատուցելու Իլոն Մասկի որոշումը և ՀԱՄԱՍ-ի այցը Մոսկվա:

Իսրայելի կապի նախարար Շլոմո Քարհին հայտարարել է արբանյակային համակարգեր արտադրող Starlink ընկերության հետ կապերը խզելու մասին՝ դրա սեփականատեր Իլոն Մասկի՝ Գազայի հատվածում այդ համակարգերն օգտագործելու որոշման պատճառով:

Starlink-ը SpaceX ընկերության նախագիծ է, որի նպատակն է ստեղծել հազարավոր արբանյակներից բաղկացած գլոբալ ցանց, որը կապահովի գերարագ ինտերնետ հասանելիություն երկրի ցանկացած կետում:

Իսրայելի արտաքին գործերի նախարար էլի Քոենը հայտարարել է, որ Թուրքիայում բոլոր դիվանագիտական ներկայացուցչությունները պետք է վերադառնան հայրենիք: Որոշումը կայացվել է նախագահ Ռեջեփ Թայիփ Էրդողանի՝ Պաղեստինին սատարելու հայտարարություններից անմիջապես հետո:

«Իսրայել, դու օկուպանտ ես, խմբավորում, ոչ թե պետություն։ Թուրք ազգը դա գիտի։ Եթե Արևմուտքը քեզ ինչ -որ բան պարտական է, ապա մենք քեզ ոչինչ պարտք չենք», - ասել է նա։

Իսրայելի վարչապետ Բենյամին Նեթանյահուն հերքել է Էրդողանի մեղադրանքներն այն մասին, որ ՑԱԽԱԼ-ը ռազմական հանցագործություններ է կատարում:

Հոկտեմբերի 26-ին ՀԱՄԱՍ-ի պատվիրակությունը ժամանել է Մոսկվա՝ հանդիպելու ռուս դիվանագետների հետ: Կրեմլում հայտարարել են, որ նախագահ Վլադիմիր Պուտինի հետ որևէ շփումների մասին խոսք չի գնում:

Այնուամենայնիվ, Իսրայելի ԱԳՆ-ն «դժգոհություն է հայտնել այն դերից, որը խաղում է Ռուսաստանը"», և հույս է հայտնել, որ Մոսկվան «ավելի հավասարակշռված» դիրքորոշում կորդեգրի: Իսրայելի դիվանագիտական գերատեսչությունը կոչ է արել Ռուսաստանի կառավարությանը «անհապաղ վտարել ՀԱՄԱՍ-ի ահաբեկիչներին»:

Նախօրեին ՄԱԿ-ի Գլխավոր ասամբլեան բանաձև է ընդունել, որով կոչ է արվում անհապաղ զինադադար հաստատել պաղեստինա-իսրայելական հակամարտության գոտում: Փաստաթուղթը հակամարտության բոլոր կողմերից պահանջում է պահպանել հումանիտար-իրավական պարտավորությունները, այդ թվում՝ խաղաղ բնակչության և քաղաքացիական օբյեկտների պաշտպանության հարցում։

Համաշխարհային կազմակերպությունում Իսրայելի մշտական ներկայացուցիչ Գիլադ Էրդանը հայտարարել է, որ ՄԱԿ-ը բանաձև ընդունելով «կորցրել է լեգիտիմությունն ու նշանակությունը»: Ամենից շատ Երուսաղեմում դժգոհ են եղել այն բանից, որ չի հաջողվել համաձայնեցնել բանաձևի փոփոխությունը պաղեստինյան արմատական ՀԱՄԱՍ շարժման դատապարտման հետ: Համապատասխան կետը եղել է փաստաթղթի սկզբնական տարբերակում, սակայն վերջնական տարբերակում հանվել է։

Իսրայելի ԱԳՆ-ն ընդգծել է, որ մերժում է ՄԱԿ-ի Գլխավոր ասամբլեայի «հրադադարի խայտառակ կոչը»։ Իսրայելը մտադիր է վերացնել ՀԱՄԱՍ պաղեստինյան արմատական խմբավորումը «ճիշտ այնպես, ինչպես աշխարհը ոչնչացնում է նացիստներին և ԻԳԻԼ-ին»խոստացել են գերատեսչությունում:

Աղբյուր` Փաստինֆո