Փաստ ինֆո

ՀՀ-ի շուրջ անվտանգության միջավայրը տարեցտարի ավելի փխրուն ու վտանգավոր է  դառնում։ Այս մասին  ԱԺ ճեպազրույցների ժամին ասաց ՀՀ ԱԺ «Հայաստան» խմբակցության ղեկավար Սեյրան Օհանյանը։

«Ակնհայտ է՝ Ադրբեջանի ապօրինի հանցագործ գործողությունների արդյունք է, և որքան էլ միջազգային հանրությունը, մեզ աջակից շատ-շատ երկրներ այդ ամենի մասին արտահայտվում են, գետնի վրա Ադրբեջանը շարունակում է ապօրինի գործողությունները և ուժի լեզվով խոսելու վարքագիը։ Այս ամենը տեղի է ունենում և ունեցել ՀՀ իշխանությունների անգրագետ, ապիկար և շատ ժամանակահատվածներում դավաճանական կեցվածքի շնորհիվ»։

Նա ընդգծեց, որ այն ինչի հասել ենք՝ հասել ենք այն պատճառով, որ ՀՀ իշխանությունները հետ են կանգնել իրենց տված խոստումներից։

«Ինչպես ես, այնպես էլ մեր հայրենակիցների մեծ մասը գտնում են,  որ Արցախի հակամարտությունը լուծված չէ։ հակամարտությունը լուծված չէ , քանի որ քանի որ Ադրբեջանը ցույց է տվել, որ ինքը պայմանագրաունակ պետություն չէ, բոլոր պայմանավորվածությունները մերժում է, խոսում է ուժի դիրքերից և Արցախը հայաթափելով՝ խնդիրը չի լուծել։ Մենք պետք է փաստենք, որ նրա սուբյեկտայնության պահպանման և նրա ժողովրդի անվտանգության ապահովման և ինչու չէ՝ նաև Արցախի տարածքին տեր կանգնելու հետագային միտված մեր գործողություններում բանակցությունները, գոյություն ունեցող համապատասխան ձևաչափով, այլընտրանք չունեն»։

Աղբյուր` Փաստինֆո