Փաստ ինֆո

Լավ կլինի՝ Փաշինյանը գոնե մեկ անգամ լսի իր տված հարցազրույցը։ Նոր դաշնակիցների որոնման վերաբերյալ լրագրողի հարցին տրված նրա պատասխանից ոչինչ չէր հասկացվում, նա բողոքում է ՌԴ-ից, ՀԱՊԿ-ից, խաղաղապահներից ու տալիս է իրականությանը չհամապատասխանող գնահատականներ։ Այս մասին «Փաստինֆոյի» հետ զրույցում ասաց պահեստազորի գնդապետ, ռազմական փորձագետ Հայկ Նահապետյանը՝ անդրադառնալով Նիկոլ Փաշինյանի՝ The Wall Street Journal-ին տված հարցազրույցին, որի ժամանակ հանդես է եկել մի շարք ուշագրավ հայտարարություններով։ Նա մասնավորապես նշել է «անվտանգության ոլորտում հարաբերությունները դիվերսիֆիկացնելու» անհրաժեշտության մասին։

Արդեն արձագանքներ կան նաեւ Մոսկվայից։ ՌԴ նախագահի մամուլի քարտուղար Դմիտրի Պեսկովը հայտարարել է, թե Մոսկվան, Երևանի հետ շփվելիս, ակնկալում է տեղեկատվություն ստանալ այն մասին, թե ինչ նկատի ուներ Հայաստանի վարչապետ Նիկոլ Փաշինյանը։

«Փաշինյանն, իրականում, անվտանգային ճարտարապետության, 102-րդ բազայի հետ կապված որևէ հստակ պատասխան չտվեց, խուսանավեց։ Կարծում եմ՝ հենց այդ բազմաթիվ անորոշությունները հստակեցնելու անհրաժեշտության մասին էր խոսում Պեսկովը»,- ասել է Նահապետյանը։

Անվտանգության ճարտարապետություն ասելով՝ Փաշինյանը նշել էր, որ դա միայն ռազմական կոմպոնենտը չէ, դա տարածաշրջանային կոմունիկացիաներն են և այլն։

«Այս պահին մեր տարածաշրջանում շահեր ունեցող պետությունների բախում է գնում, որը դրևորվում է նաև ռազմի դաշտում բախումների տեսքով, այսինքն՝ կան նաև տնտեսական բախումների էլեմենտներ։ Խոսքը, օրինակ, շրջափակման մասին է։ Ի դեպ, Թուրքիան 1993 թ-ից ՀՀ-ի դեմ չհայտարարաված պատերազմի մեջ է»,- արձանագրել է ռազմական փորձագետը։

Նրա դիտարկմամբ՝ հիմա Փաշինյանը փնտրտուքի մեջ է, սակայն դա լրջագույն վտանգներ է պարունակում։

«Փաշինյանը 2 ամսով ԵՄ դիտորդներ բերեց, հետո նրանց ժամկետը երկարացվեց, բայց նրանք՝ բոլորը, հատուկ ծառայության ներկայացուցիչներ են, հետախույզներ։ Հայ- ամերիկյան, այսպես կոչված՝ զորավարժությունների ժամանակ Պենտագոնի 101-րդ դիվիզիայի հատուկ ծառայողներ են եկել Հայաստան, ու դեռ հարց է, թե քանիսն են գնացել, Փրկարար ծառայության աշխատակիներ էին Հայաստանում, որոնք էլի ՆԱՏՕ-ի ներկայացուցիչներ էին։

Իրականում, Փաշինյանը փաստացի աստիճանաբար այստեղ է հրավիրում ՆԱՏՕ-ի անդամ երկրների տարբեր անձնակազմեր, որոնք ինչ- ինչ գործառույթներ այստեղ պետք է իրականացնեն ու դա գաղտնիության քողի տակ է»։

Անդրադառնալով Ֆրանսիայի հետ է ռազմատեխնիկական համագործակցության համաձայնագրին՝ փորձագետն ասաց, որ դա միան զենք գնել չէ, այն նաև ենթարում է նաև ռազմական, ուսումնական հաստատությունների սպայական և ենթասպայական անձնակազմի հետ աշխատանք, մասնավորապես, լեռնային մարտի ճշգրիտ հրաձգային վայրերում ուսուցողական գիտելիքներ են փոխանցելու։
Ակնհայտ է չէ՞, որ ներգրավվածությունը միայն ռազմատեխնիկական չէ, այստեղ նաև կրթական, անձնակազմի պատրաստվածության բաղադրիչ կա։

Այսինքն՝ Փաշինյանը գործնականում անվտանգային ճարտարապետության փոփոխության քայլերն է անում՝ ՆԱՏՕ-ի անդամ երկրների Հայաստանում ներկայացվածության մեծացմամբ։ Այսինքն, գետնի վրա ու շատ կոնկրետ փոփոխություններ են անում, իսկ Ռուսաստանն ու Իրանը դա շատ լավ տեսնում են, մինչդեռ, Իրանի համար կարմիր գիծ է Հայաստանում ՆԱՏՕ-ի ուղղակի ներկայացվածությունը, բայց Իրանը նաև հասկանանում է, որ ՆԱՏՕ-ն Հայաստան է ներթափացում չերևացող ձևերով։ Կարծում եմ, Իրանի հետախուզությունը կարող է այդ ամենին տեղյակ լինել։ Կա որոշում և այդ որոշումը, կարծում եմ, Փաշինյանը չի կայացրել, կայացրել են մեզ համար ոչ բարեկամ երկրների ռազմաքաղաքական ղեկավարությունը»,- նշել է բանախոսը։

Այդ որոշման համաձայն, ըստ բանախոսի, Հայաստանը պետք է դառնա ՆԱՏՕ-ի համար տարածք, որը խնդիրներ պետք է առաջացնի Ռուսաստանի հարավի, նաև Իրանի համար։

«Դրա համար է, որ այդ երկու պետությունները անգամ փոքրաթիվ քանակով դիտորդներին ու զորավարժություներին բավական կոշտ են արձագանքում։ Իրենք գիտեն, որ սա գրոծընթաց է, որի վերջնարդյունքն ու նպատակը այստեղից 102-րդ ռազմաբազան հանելն ու այն ՆԱՏՕ-ի զորակազմով, ֆրանսիական զենքով ու իրենց հրահանգիչներով փոխարինելն է։

Ի դեպ, անգամ Ադրբեջանի ղեկավարն է ասել, որ Ֆրանսիայի այստեղ ներգրավածությունը հղի է պատերազմի կամ ռազմական գործողություններ վերսկսելով։ Պատահական չէ, որ «3+3» ձևաչափով հանդիպումը տեղի ունեցավ, որի մասնակից պետություններից առնվազն 4ը այս տարծաշրջան դրսից ուժեր, պետություններ չբերելուն ու դրան խոչընդոտելուն կողմ են։ Մինչդեռ, հենց դրան է այսօր լծվել է ՀՀ օրվա իշխանությունները»,- ասել է ռազմական փորձագետն ու ավելացրել. «Սա «3+3»-ի պետություններից առնվազն 4-ի համար կարմիր գիծ է։ Ստացվում է, իրականում, Փաշինյանը տարածաշրջան «տղա է բերում»՝ ի դեմս հավաքական արևմուտքի և ՆԱՏՕ-ի, ինչը մեր պետության համար կարող է ունենալ կործանարար հետևանքներ։ Դրա մասին այս կամ այն ձևով մեզ զգուշացնում են և Իրանից, և ՌԴ-ից և Ադրբեջանից»։

Աղբյուր` Փաստինֆո