Փաստ ինֆո

Ադրբեջանի և Նախիջևանի կապի վերաբերյալ օրակարգ առանձին վերցրած գոյություն չունի, նման օրակարգ գոյություն ունի տարածաշրջանային կոմունիկացիաների բացման համատեքստում, երբ տարածաշրջանային բոլոր կոմունիկացիաները կբացվեն։

Այս մասին The Wall Street Journal-ին տված հարցազրույցի ընթացքում նշել է ՀՀ վարչապետ Նիկոլ Փաշինյանը։

Անդրադառնալով Ադրբեջանը Նախիջևանին կապող ճանապարհի վերահսկողությունը ՌԴ-ին պավիրակելուն՝ Փաշինյանն ասել է, որ որևէ տեղ գրված չէ, որ ՌԴ որևէ մարմին ՀՀ տարածքում, ՀՀ որևէ տարածքի վրա պետք է ունենա վերահսկողություն։

«Որևէ տեղ գրված չէ, որ ՀՀ-ն համաձայն է որևէ սուվերեն իրավունքի կրճատման կամ սահմանափակման, որևէ տեղ գրված չէ, որ ՀՀ պետական ինստիտուտներին պատվիրակվող որևէ գործառույթ պետք է պատվիրակվի այլ որևէ մեկին, որևէ տեղ գրված չէ, և նախատեսված չի եղել, որ ՀՀ տարածքում ուրիշ որևէ մեկը պետք է ապահովի անվտանգություն»։

նա նաև ընդգծել է, որ ԼՂ-ում ՌԴ խաղաղապահ զորախմբի ձախողումից հետո շատ հարցեր են առաջանում։ «Այդ հարցերը լեգիտիմ են։ Փաստ է, որ ՌԴ զորախումբը չի կարողացել կամ չի ցանկացել ապահովել ԼՂ բնակչության անվտանգությունը և մյուս կողմից ՀՀ սովերեն իրավունքի սահմանափակման հարց չի գնացել և չի կարող գնալ»։

Փաշինյանը նաև հիշեցրել է, որ տարածաշրջանային կոմունիկացիաների բացումը պետք է տեղի ունենա երկրների ինքնիշխանության, իրավազորության հիման վրա»։

«Արդյո՞ք, դրա արդյունքում պետք է Ադրբեջանի արևմտյան շրջանները Նախիջևանի հետ տրանսպորտային կապ ունենան, այդ թվում՝ ՀՀ տարածքով, այո, իհարկե։ Արդյո՞ք ՀՀ-ն այդ նույն ուղիները պետք է օտգագործի, այո, իհարկե։

Արդյո՞ք Ադրբեջանը կարող է օգտագործել ՀՀ ուղիները միջազգային առևտրի համար, այո, իհարկե։ Արդյո՞ք, Հայաստանը պետք է հնարավորություն ունենա օգտագործել Ադրբեջանի ճանապարհները միջազգային առևտրի համար, այո, իհարկե։

Մենք այդ ճանապարհներն անվանում ենք «Խաղաղության խաչմերուկ» և հրավիրում ենք մեր բոլոր գործընկերներին միասին իրականություն դարձնել այդ նախագիծը»։

Աղբյուր` Փաստինֆո