Փաստ ինֆո

Փաստենք, որ ինչ ընդդիմությունն ասել է 3 տարի շարունակ՝ ճիշտ է ասել, ինչ Փաշինյանն է ասել՝ սխալ է ասել, որովհետև մենք 3-5 տարի է անընդհատ գլորվում ենք անդունդը։

Այս մասին ԱԺ-ում լրագրողների հետ զրույցում ասաց «Հայաստան» խմբակցության պատգամավոր Արթուր Խաչատրյանը:

«Վերջը պետք է փոխել իշխանությանը, ընդդիմությանը խփելը օգնո՞ւմ է իշխանությանը փոխելուն, թե չէ, վերջապես քաղաքական ներկապնակի վրա միակ լուրջ կազմակերպված ինստիտուցիոնալ ընդդիմությունը մենք ենք՝ այստեղ հավաքված ընդդիմությունն է։ մենք էլ անում ենք այն, ինչ ընդդիմությունը պետք է անի»։

Նա նաև ընդգծեց, որ փորձում են ԱԺ-ում ներկայացնել այլընտրանքները, որովհետև միայն նեգատիվի մեջ խոսելով շատ բան չես փոխի, նաև պետք է լուծումներ առաջարկել։

«Նաև փորձում ենք մարդ մոբիլիզացնել փողոցում։ Շատ ենք անում, քիչ ենք անում, այնքան շատ չենք անում, ինչքան պետք է, բայց նայենք, թե այլընտրանքային ընդդիմությունը քանի մարդ է կարողանում մոբիլիզացնել, ավելին ասեմ` նայենք, թե այս իշխանություններն ինչ աջակցություն ունեն, Երևանի քաղաքապետի ընտրությունը դրա ամենավառ վկայությունն է»։

Ըստ Խաչատրյանի` ինչքան շատ մարդ մոբիլիզացվի, այնքան շուտ կկարողանան այս իշխանություններից ազատվել, փոխել պետության քաղաքականության կուրսը:

Աղբյուր` Փաստինֆո