Փաստ ինֆո

«Սուրբ տեղը թափուր չի մնա»,- այս մասին ԱԺ-ում հայտարարեց ԲԴԽ նախագահ Կարեն Անդրեասյանը՝ արձագանքելով «ՔՊ»-ական պատգամավոր Մարիա Կարապետյանի հարցադրմանը, թե ինչպես է ԲԴԽ-ն իր գործող, ունակ անդամին թույլ տալիս հեռանալ ԲԴԽ-ից։

Նշենք, որ ԲԴԽ երկու անդամ՝ Դավիթ Խաչատուրյանը և դատավոր Նաիրա Հովսեփյանը Վճռաբեկ դատարանի դատավորների թեկնածուների են։ Դավիթ Խաչատուրյանը, որը ԲԴԽ անդամ է ընտրվել որպես գիտնական-անդամ, Վճռաբեկ դատարան տեղափոխվելու դեպքում կհեռանա ԲԴԽ-ից։

Այս հարցի առնչությամբ «ՔՊ»-ական պատգամավոր Մարիա Կարապետյանը, դիմելով ԲԴԽ նախագահ Կարեն Անդրեասյանին, հետաքրքրվել է, թե ինչպես է ԲԴԽ-ն իր գործող, ունակ անդամին թողնում ԲԴԽ-ից, հատկապես, երբ թափուր տեղը լրացնելն այդքան էլ հեշտ չէ։

«ԲԴԽ-ն է իր գործող անդամներին առաջադրել՝ որպես դատավոր։ Այստեղ երկու կողմի մոտիվացիան կարևոր է, որ հասկանանք թե՛ մենք, թե՛ հանրությունը։ Մինչև պաշտոնյայի պաշտոնավարման ավարտը պաշտոնը լքելը պետք է հիմնավոր պատճառներ ունենալ, այստեղ կարող է գործել թե վանող ուժեր, թե ձգող ուժեր»,-հետաքրքրվեց Կարապետյանը։

Հարցին, ի սկզբանե, Անդրեասյանը զերծ է մնացել ուղիղ պատասխանելուց՝ փոձելով շեշտադրումը կատարել հնարավոր անհավասար պայմանների վերաբերյալ, սակայն, Մարիա Կարապետյանի հարցապնդմանը՝ «Դուք, Ձեր կոլեգաների շրջանում բաց առաջացնելով, ակնկալիք ունեք, որ այժմ մյուս առաջադրող մարմինը պետք է գտնի այդ թափուր տեղը համալրելու համար թեկնածուներ, ինչը, ինչպես նշեցիք, դժվար է։ ԲԴԽ-ն ինչպես է իր գործող, ունակ անդամին բաց թողնում ԲԴԽ-ից», պատասխանեց կարճ՝ «Սուրբ տեղը թափուր չի մնա»։

Աղբյուր` Փաստինֆո