Փաստ ինֆո

Արցախյան երրորդ՝ 44-օրյա պատերազմի հետևանքով թշնամու կողմից օկուպացված Հադրութից բռնի տեղահանված արցախցիները բողոքի ակցիա են իրականացնում՝ ՀՀ-ում Ֆրանսիայի դեսպանատան դիմաց։ Հադրութեցիներից մեկը լրագրողների հետ զրույցում ասաց, որ դեսպանի հետ էլ հանդիպումների ժամանակ իրենց միշտ վստահեցրել են, որ Արցախի հարցը ռազմական լուծում չունի, մինչդեռ, այսօր փաստացի Արցախի հարցը ասում ենք փակված չէ, բայց այն լուծվել է ռազմական ճանապարհով, ավելի քան 135 հազար արցախցիներ հայտնվել են Հայաստանի Հանրապետության տարածքում, մեծ թվով արտագաղթ է սկսել, հատկապես՝ դեպի Ռուսաստան։ Ակցիայի մասնակիցները հումանիտար ապաստան են խնդրում՝ Ֆրանսիայից և պատրաստվում են այնքան գալ, քանի դեռ իրենց դեսպանը չի հանդիպել։ Ինչ վերաբերում է Արցախ վերադառնալուն, Ստեփանյանը նշեց, որ ինքն իրավասու չէ, իշխանություններն էլ նման թեմա չեն քննարկում։

Իսկ թե ինչու ՀՀ-ում չեն ցանկանում մնալ՝ Ստեփանյանը նշեց, որ այսօր բռնի տեղահանված արցախցիներին ՀՀ-ում երկու մասի են բաժանել, օրերս բռնի տեղահանված արցախցիներին խնդիրների հետևանքով իրենք մոռացության են մատնվում։

«Մենք բազմիցս կառավարության դիմաց ցույցեր ենք անցկացրել, ներկայացրել ենք մեր խնդիրները, առաջարկել ենք ահստեղ համայնք ստեղծել, մեզ միշտ պատասխանել են՝ ձեզ համար բնակարաններ են կառուցվում Արցախում։ Մեզ ասել են՝ Արցախում բնակարանաշինության համար հատկացվել է 181 մլն դրամ, դրան գումարած 30 մլն դրամ։ Այսօր մի մարդ կատարել է հանցագործություն, ճանաչել է Արցախն Ադրբեջանի կազմում ու տարել է Արցախում մենակ բնակարանաշինության համար 211 մլրդ դրամ ներդրել։ Սա ի՞նչ է նշանակում, միանշանակ հանցագործություն է։ Ո՞վ պետք է պատասխան տա այդ գումարների համար։ Սա միանշանակ եղել է փողերի լվացում։ Սփյուռքի ու այլոց հավաքած գումարները Նիկոլ Փաշինյանը տարել է ու Ադրբեջանում ներդրել, ինքն է Արցախը ճանաչել Ադրբեջանի մաս, մենք չենք ճանաչել»,- հայտարարեց նա։

Աղբյուր` Փաստինֆո