Փաստ ինֆո

Արտատարածաշրջանային երկրների մասնակցությունը Հարավային Կովկասում ոչ մի խնդիր չի լուծի։ Այս մասին այսօր Թեհրանում հայտարարել է Իրանի արտգործնախարար Հոսեյն Ամիր Աբդոլլահյանը՝ «3+3» ձևաչափով ԱԳ նախարարների հանդիպմանը։

Նան  նշել է, որ դա կարող է նույնիսկ ավելի բարդացնել իրավիճակը։

Աբդոլլահյանը նշել է, որ «3+3» ձևաչափի հիմնական նպատակը տարածաշրջանի երկրների մասնակցությունն ու համատեղ համագործակցության ամրապնդումն է՝ ներտարածաշրջանային խնդիրների լուծման համար։

«Հարավային Կովկասում լարվածությունն արդեն մնացել է հետևում, մեծ հնարավորություն է ստեղծվել տարածաշրջանի երկրների համար. եկել է խաղաղության, համագործակցության և զարգացման հերթը, հուսով ենք, որ հաջորդ հանդիպումներում ականատես կլինենք ակտիվ և կառուցողական մասնակցությունը նաև բարեկամ Վրաստանի»,- ասել է Աբդոլլահիանը։

Նշենք, որ Թեհրանում մեկնարկել է «3+3» ձևաչափով ԱԳ նախարարների հանդիպումը՝ Ադրբեջանի, Ռուսաստանի, Թուրքիայի, Իրանի և Հայաստանի ԱԳ նախարարների մասնակցությամբ։ Դրան մասնակցությունից հրաժարվել է միայն Վրաստանը։

Հիշեցնենք, որ «3+3» ձևաչափով առաջին հանդիպումը տեղի է ունեցել անցյալ տարի Մոսկվայում՝ փոխարտգործնախարարների մակարդակով։

Աղբյուր` Փաստինֆո