Փաստ ինֆո

Մի խումբ քաղաքացիների ընդունել ենք ու պարզաբանումներ ենք տվել հնչեցված հիմնական հարցերին։ Այս մասին Երևանում Արցախի ներկայացուցչության մոտ հավաքված արցախցիների մոտ երկրորդ անգամ դուրս գալու և խոսելու ընթացքում ասաց Արցախի նախագահ Սամվել Շահրամանյանը։

«Այդ հարցերի մեծ մասը վերաբերում սոցիալական հարցերին՝ տեղավորմանը, աշխատանքի ու աշխատավարձերի հետ կապված խնդիրներին։

Բոլոր հարցերին տրվել են պատասխաններ մեր լիազորությունների շրջանակում, որքանով որ մեր լիզորությունները ներում են՝ մենք պատրաստ ենք ձեր հարցերը գույքագրել։

Ես չեմ կարող բարձրաձայնել բաներ, որոնք իրենց մեջ կարող են վտանգներ պարունակել»։

Շահրամանյանն հորդորեց այսքանով բավարարվել, գնալ տուն և զբաղվել առօրյա խնդիրներով։

«Մեր դռները բաց են, պատրաստ ենք մեր հնարավորությունների ու լիազորությունների սահմաններում լուծել ձեր խնդիրները։ Այս ամենը մեծ վտանգ է ներկայացնում։ Խնդրում եմ չդիմել սադրանքների, սա մեզ բնորոշ չի։ Մենք իրավունք չունենք նման գործելաոճ որդեգրել;

Առաջիկայում եմ կողմից տրվելու են բոլոր հնչեցված հարցերի պատասխանենրը։ Ես համոզված եմ՝ բոլորն էլ հարցեր ունեք, պատասխաններ էլ ունեք։

Մենք բարդ իրավիճակում ենք, ու դրանցից դուրս գալու համար մեզ միասնություն է պետք։

Ես հասկանում եմ՝ դուք տարբեր մարդկանց եք մեղադրում, տարբեր հարցեր եք բարձրացնում, ես վստահեցնում եմ, այն ինչ օրինական պահանջ է՝ բոլորիդ կողքը կանգնած եմ, այն ինչ անօրինական է՝ ես այդ ամենում չեմ կարող ներգրավվել։

Մենք ամեն ինչ պետք է անենք, որ չվտանգենք ՀՀ -ն և Արցախի հետագա ճակատագիրը, բոլորից խնդրում եմ ցուցաբերել քաղաքացիական գիտակցություն։

Կան հարցեր, որոնց ես ի վիճակի չեմ պատասխանել, բայց այդ հարցերի պատասխանները տրվելու են»։

Աղբյուր` Փաստինֆո