Փաստ ինֆո

Արցախում գոյություն ուներ Խորհրդարան, և միայն դրա մեծամասնության պահանջով և վավեր քվեարկությամբ կարող էր Արցախի Հանրապետության լուծարման վերաբերյալ փաստաթուղթը լույս ընծայվեր։ Ընդհանրապես, Ղարաբաղը Ադրբեջանի կազմից դուրս է եկել Խորհրդային Միության Սահմանադրության տառին և ոգուն համապատասխան։ Հետևաբար, Ռուսաստանը, որպես ԽՄ միակ իրավահաջորդ, այստեղ ունի իր խնդիրը և դեռևս կունենանք լուրջ զարգացումներ։ «ՓաստԻնֆոյի» եթերում ասել է քաղաքական գործիչ, նախկին պատգամավոր Վարդան Խաչատրյանը։

Անդրադառնալով ՀՀ գործող իշխանությունների կողմից հնարավոր քրեական գործերի հարուցմանը, բանախոսը նշեց, որ այն քրեական գործերը, որոնք Հայաստանի գործող իշխանությունը հարուցում է, կարող է լինել միջազգային օրենքի շրջանակ, որը Հայաստանը փորձում է պահպանել և դրանից ելնելով պետք է գործեր հարուցի, իբրև ապօրինի գործած որոշ անձանց դեմ, որոնք նաև ներկայացել են որպես հայ, կամ Հայաստանի հովանավորության ներքո են գործել։ Այստեղ հարց է առաջանում, թե միջազգային իրավունքից ի՞նչն է պահպանվել, որը միջազգային իրավունքի ճնշման ներքո հալածանք փորձի ծավալել մեր արցախյան եղբայրների հանդեպ։

Փորձագետը այն կարծիքին է, որ Ադրբեջանը այսօր վախեցած է։ Ալիևի բոլոր տեսակի հայտարարությունները չեն կարող սքողել այն, որ ինքը հազար ու մի տեղ գնում է և փորձում միջնորդներ գտնել Հայաստանի հետ վերջնականապես հարաբերությունները կարգավորելու համար։ Բանը հասավ նրան, որ Վրաստանին էլ դիմեց, քանի որ այն ամենը, ինչ արվել է Ադրբեջանում՝ դա նաև ընդդեմ Ռուսաստանի է։ Երբ Ռուսաստանը ինչ-որ քննադատական տեսանկյունից է ներկայանում՝ դա ինչ-որ տեղ սեփական դեմքը չկորցնելու համար է։

Մանրամասները՝ տեսանյութում։

Աղբյուր` Փաստինֆո