Փաստ ինֆո

Ռուանդայից տարեց տղամարդը 55 տարի մեկուսացել է աշխարհից՝ կանանց հանդեպ վախի պատճառով: Այս մասին գրում է Daily Mirror-ը։

71-ամյա Քալիթքսե Նզամվիտեն փակվել է իր տանը, երբ 16 տարեկան էր։ Նա ստիպված է եղել մեկուսանալ կանանցից, որոնք, նրա խոսքով, «սարսափելի վախ"» են առաջացնում։ Ավելի ուշ, լրացուցիչ պաշտպանության համար, տղամարդը շրջապատել մեկուսացրել է իր տարածքը չորսուկես մետր բարձրությամբ ցանկապատով: Նա հայտարարել է, որ պատնեշ է կառուցել, որպեսզի հակառակ սեռի ներկայացուցիչները հաստատ չմոտենան իրեն։ Նզոմվիտան մնացել է կույս և երբեք ռոմանտիկ հարաբերություններ ունեցել։

Տղամարդու հարևանուհիներից մեկը հաստատել է, որ նա մանկուց գրեթե չի լքել իր հողամասը։ Ընդ որում, Նզոմվիտան գոյատևում է միայն իր համագյուղացիների շնորհիվ, ովքեր հոգ են տանում նրա մասին։ «Տարօրինակ է, բայց չնայած այն հանգամանքին, որ նա վախենում է կանանցից, մենք ենք, որ նրան սնունդ և այլ անհրաժեշտ իրեր ենք բերում։ Բայց մենք չենք կարող մոտենալ կամ խոսել նրա հետ։ Մենք պարզապես ամեն ինչ թողնում ենք մուտքի մոտ, իսկ հետո նա գալիս է և վերցնում սնունդն ու իրերը», — պատմել է կինը։

Հարևանները պատմում են, որ եթե Նզոմվիտան կին է տեսնում հողամասից ոչ հեռու, նա փախչում է տուն և փակվում այնտեղ։ Մասնագետները կարծում են, որ տղամարդը տառապում է գինոֆոբիայով՝ կանանց հանդեպ իռացիոնալ վախով։ Այս ֆոբիայով տառապողները կարող են անհանգստություն զգալ նույնիսկ կանանց մասին մտածելուց: Բժիշկները նրանց մոտ նկատում են նաև այնպիսի ախտանիշներ, ինչպիսիք են հաճախակի խուճապային հարձակումներ, կրծքավանդակի ցավ, ավելորդ քրտնարտադրություն, ինչպես նաև մարսողական խնդիրներ:

Աղբյուր` Փաստինֆո