Փաստ ինֆո

ՀՀ արտաքին վեկտորի փոփոխության հարց չկա, որովհետև վեկտորն ուղղված է դեպի Հայաստանի Հանրապետություն։ Այս մասին ԱԺ-ում լրագրողների հետ զրույցում ասաց ՀՀ ԱԺ արտաքին հարաբերությունների մշտական հանձնաժողովի նախագահ Սարգիս Խանդանյանը։
«Վեկտորը մեր ինքնիշխանության, տարածքային ամբողջականության, անկախության ապահովումն է»։

Նա ընդգծեց նաև, որ ՀԱՊԿ-ից և ԵԱՏՄ-ից դուրս գալու հարց այժմ չի քննարկվում։

Հարցին, թե խաղաղության պայմանագիր կնքելու համար, որ հարթակն է ընդունելի՝ Խանդանյանը պատասխանեց, որ այստեղ կարևոր է ոչ այն քան հարթակը, որքան Ադրբեջանի կողմնորոշման փոփոխությունը այն սկզբունքների շուրջ, որտեղ եղել են պայմանավորվածություններ։

«Խոսքը վերաբերում է այս տարվա հուլիսին Բրյուսելի հանդիպումից հետո Եվրոխորհրդի նախագահի հայտարության մեջ տեղ գտած սկզբունքների մասին է, որոնք ՀՀ-ն վերահաստատել է այդ թվում՝ Գրանադայում։

Այս սկզբունքների վերահաստատումը Ադրբեջանի նախագահի կողմից հիմքեր կստեղծեն հնարավորիս շուտ խաղաղության համաձայնագիր ստորագրելու համար։ ՀՀ վարաչպետը երեկ Հայաստանի կողմից մեր վերահաստատեց մեր հանձնառությունն ու այդ օրակարգին հավատարմությունը»։

Հարցին, թե ինչպես են պատրաստվում խաղաղության պայմանագիր կնքել Ադրբեջանի հետ այն դեպքում, երբ Ալիևն արդեն խոսում է Սյունիք մարդատար մեքենաներով մտնելու մասին՝ նա արձագանքեց. «Մենք էլ խոսում ենք Ադրբեջան մարդատար մեքենաներով մտնելու մասին։ Ապաշրջափակման ողջ օրակարգը սրա մասին է, որ բեռնատար և մարդատար մեքենաներով մենք կարողանանք Ադրբեջանի տարածքով գնալ-գալ, օրինակ դեպի Ռուսաստան, իսկ Ադրբեջանը մարդատար և բեռնատար մեքենաներով անցնելով բոլոր սահմանային, մաքսային ստուգումները և այլն, կարողանա անցնել դեպի Նախիջևան և Թուրքիա»։

Դիտարկմանը, թե Ալիևը ՀՀ տարածքային ամբողջականությունը չի ճանաչում՝ նա ասաց, որ հենց դա է խոչընդոտն այս պահին, որ այս գործընթացը դանդաղում է։

«Երբ Ադրբեջանը հավատարմություն հայտնի այդ սկզբունքներին, այդ թվում՝ նաև թվային էկվիվալենմտով ՀՀ տարածքային ամբողջաանության ճանաչի, ապա ես կարծում եմ, որ խնդիրների մի մասը մենք կարող ենք լուծված համարել»։

Անդրադառնալով ՌԴ -ից արձագանքին, որով Փաշինյանի ելույթը սադրիչ էին անվանել՝ նա նշեց, որ ՀՀ կառավարությունը անում է ամեն ինչ, որ ապահովի ՀՀ տարածքային ամբողջականությունը, ինքնիշխանությունը և բոլոր գործողությունները հատկապես արտաքին քաղաքական բոլոր գործողությունները ուղղված են սրան։ «Ես որևէ սադրանք չեմ տեսնում երեկվա շատ լավ ելույթի մեջ»։

Ինչ վերաբերում է Շահրամանյանի որոշմանը, որով լուծարվել էր Արցախի Հանրապետությունը՝ նա նշեց, որ չի հասկանում, թե ինչու պետք է ՀՀ խորհրդարանն անդրադառնա մի որոշման, որը կայացվել է ուժի սպառնալիքի ներքո։

Աղբյուր` Փաստինֆո