Փաստ ինֆո

Եվրոպական խորհրդարանի լիագումար նիստում հանդես գալը կօգնի միջազգային և եվրոպական հանության հետ կիսել մեր տեսակետներն ու մտահոգությունները, բայց այսօրվա ելույթում ցանկանում եմ շեշտը դնել առավելապես հարավկովկասյան տարածաշրջանում խաղաղության և կայություն հաստատելու հնարավորությունների վրա։

Այս մասին այսօր Եվրոպական խորհրդարանի նախագահ Ռոբերտա Մեցոլայի հետ համատեղ ասուլիսում ասաց ՀՀ վարչապետ Նիկոլ Փաշինյանն, ով աշխատանքային այցով գտնվում է Բրյուսելում։

Նա նշեց, որ այսօրվա իրադարձությունը կարևոր է ԵՄ -ՀՀ հարաբերությունների զարգացման համար և վկայում է այդ հարաբերությունների դինամիկայի մասին։

«Կարևոր է ընդգծել, որ մեր հարաբերությունները հենվում են ընդհանուր արժեքային համակարգի վրա, ժողովրդավարությունը մեզ համար ռազմավարական ընտրություն է, ոչ թե հանգամանքներով թելադրված պատեհություն։ Մենք ցանկանում ենք խորացնել մեր հարաբերություները ԵՄ-ի հետ և չենք ուզում դա որևէ կերպ հակադրել մեր տարածաշրջանային հարաբերությունների խորացման զարգացման տեսլականի հետ և, այս առումով, կարծում եմ, հենման կետերը քիչ չեն։

ՀՀ կառավարությունը հանձնառու է ՀՀ-ԵՄ համապարփակ և ընդլայնված գործընկերության համաձայնագրի լիակատար իրականացմանը։ Վստահ ենք, որ ՀՀ-ն և ԵՄ-ն չեն սպառել համագործակցությունը որակական նոր բովանդակությամբ համալրելու այն ընդլայնելու և նոր մակարդակի վրա հասցնելու հնարավորությունները։

Գրանադայի գագաթաժողովի, այսօրվա քննարկումների և Ձեր ելույթի հայտարարությունների արդյունքում ակնհայտ է, որ ԵՄ ինստիտուտների շրջանում ՀՀ-ի հետ հարաբերությունները խորացնելու վերաբերյալ առկա են կոնսենսուս։

Հայաստանը նաև շահագրգիռ է միջազգային իրավակարգի խթանման և զարգացման հարցում։ Հոկտեմբերի 3-ին ՀՀ խորհրդարանը վավերացրեց Միջազգային քրեական դատարանի հիմնարար փաստաթուղթ հանդիսացող Հռոմի կանոնադրությունը, այս իմասով նշանակալի է նաև սեպտեմբերի 12-ին ՀՀ խորհրդարանի կայացրած որոշումը՝ վավերացնել «Մարդու իրավունքների և հիմնարար ազատությունների պաշտպանության» կոնվենցիային կից բոլոր դեպքերում մահապատժի վերացման կից թիվ 13 արձանագրությունը։

Մի շարք մարտահրավերների հաղթահարման գործում մենք ակնկալում ենք ԵՄ ծանրակշիռ աջակցությունը, այդ շարքում ավելի քան 100 000 հայերի Լեռնային Ղարաբաղից բռնի տեղահանման հետևանքով Հայաստանում առաջացած հումանիտար պրոբլեմների մասին է, որտեղ մենք հրատապ աջակցության կարիք ունենք»։

Աղբյուր` Փաստինֆո