Փաստ ինֆո

ԵՄ խորհրդարանը հստակ դիրքորոշում է հայտնել՝ բանաձևեր և զեկույցներ ընդունելով Ադրբեջանի դեմ, դրանք ընդունվել են խորհրդարանի ճնշող մեծամասնությամբ՝ կոչ անելով հնարավորիս շուտ վերսկսել խաղաղության բանակցությունները։ Այս մասին այսօր Ստրասբուրգում ՀՀ վարչապետ Նիկոլ Փաշինյանի հետ համատեղ ասուլիս ժամանակ ասաց Եվրախորհրդարանի ղեկավար Ռոբերտա Մեցոլան՝ անդրադառնալով հարցին, թե ինչ գործուն քայլեր կարող է անել Եվրախորհրդարանը՝ Ադրբեջանի նկատմամբ պատճամիջոցներ կիրառելու հարցում։

«Պատահական չէ, որ հենց այս խորհրդարանն է այդպիսի զեկույցներ ընդունել ու կոչ արել հնարավորինս շուտ սկսելու խաղաղության բանակցությունները»։

Նա նաև ողջունեց Փաշինյանի ու Ալիևի կողմից տրված համաձայնությանը Շառլ Միշելի մասնակցությամբ հոկտեմբերի վերջին կայանալիք հանդիպմանը։

«Խաղաղության բանակցությունները մեզ համար կարևոր են Ադրբեջանի հետ սահմանազատման, հաղորդակցման ուղիների բացման և մարդասաիրական խնդիրների լուծման առումով։ Վերջին ամսվա իրադարձությունները շատ մտահոգիչ են, այդ պատճառով կոչ ենք անում խաղաղություն և մարդասիրական պաշտպանություն։

Եվրախորհրդարանը քաղաքական մարմին է և մենք հետևողական է լինելու երեք սկզբունքների իրականացման ապահովմանը»։
Հարցին, թե ինչ ուղերձ էր փոխանցում նախագահ Ալիևը Ստեփանակերում ԼՂ դրոշի վրայով քայլելով և ինչ միջազգային մեխանիզմներ պետք է գործադրվեն, որպեսզի ԼՂ հայերը վերադառնան տուն՝ Փաշինյանն ասաց, որ 100 000-ից ավելի հայեր տեղահանված են և ընդգծեց, որ ևս 20 000 հայեր տեղահանվել են և Հայաստանում են գտնվում 44 օրյա պատերազմի հետևանքով, այսօր մեր խնդիրն է կենտրոնանալ այդ մարդկանց հումանիտար կարիքները հրատապ բարելավելու վրա։

«Ես ուզում եմ, որ մենք լավ հասկանանք իրադրությունը. 100 000 մարդ միանգամից՝ մեկ շաբաթվա ընթացքում տեղահանվել է, էթնիկ զտման է ենթարկվել և տեղափոխվել է Հայաստան։ Հիմա մեր կառավարոթյունը կենտրոնացած է այս մարդկանց ամենահրատապ կարիքները բավարարելու վրա՝ սկսած սնունդից, կացարանից հագուստից և մնացված խնդիրները։ Մենք գերկենտրոնացած ենք այս խնդիրները լուծելու վրա, մենք այս հարցում ակնկալում ենք միջազգային հանության, այդ թվում՝ ԵՄ աջակցությունը, բյուջետային աջակցության տեսքով»։

Աղբյուր` Փաստինֆո