Փաստ ինֆո

Երբ հետևում ես Հայաստանի իշխանությունների, ինչո՞ւ չէ նաև՝ ընդդիմության  վարած այս օրերի քաղաքականությանը կամ նրանց արած հայտարարություններին, ինչ – որ տեղ նաև հայկական լրահոսին, այնպիսի տպավորություն ես ստանում, որ Արցախի հարցը մոռացության է տրվում,- այսօր հրապարակած իր նոր տեսաուղերձում այսպիսի տեսակետ է հայտնել ՀՀ նախկին Արտաքին գործոց նախարար Վարդան Օսկանյանը։

Ուկրաինական պատերազմից բացի, այսօր, ըստ Վարդան Օսկանյանի, օրախնդիր են դարձել նաև՝ իսրայելա – պաղեստինյան նոր զարգացումները.«Ոորովհետև մենք ինքներս այս հարցին տեր չենք կագնում, իսկապես, Արցախի հարցը կարող է շատ արագ մոռացության մատնվել և այդ էջն, առհասարակ փակվի։ Արցախահայության՝ այսօր Հայաստանում գտնվելու փաստը վերածվել է նրանց առօրեական խնդիրների լուծմանը և ոչ թե նրանց հայրենադարձությանը։ Հետաքրքրականն այն է, որ Իսրայելում՝ հենց այս ծանր իրավիճակում, դեռևս  զուգահեռներ են անցկացվում Ղարաբաղի և Գազայի հարցերի միջև, նշելով, թե այն, ինչ վերջերս արվեց Ղարաբաղում, հիմա Իսրայելն է փորձում անել Գազայի հատվածում։ Ֆրանսիայի Արտաքին գործերի նախարարը նույնպես վերջերս անդրադարձ կատարեց, որ արցախահայության՝ իրենց տները վերադառնալու հարցը պետք է բերել ՄԱԿ-ի անվտնագության խորհուրդ։ Վերջերս նաև ԵՄ խորհրդարանի բանաձևի ընդունում տեղի ունեցավ, որտեղ խոսվեց այս հարցի մասին։ Դեռևս այս հարցի վերաբերյալ միջազգային աջակցույթուն կա, բայց եթե մենք տեր չկանգնեք այս հարցին, եթե մենք ինքներս այս հարցը վեր չբարձարացնենք, հավատացեք, նրանք էլ շատ արագ կհրաժարվեն դրանից»,-ահազանգել է Վարդան Օսկանյանը, նշելով՝ եթե մենք ինքներս չզբաղվենք այս հարցով, ապա այն շուտով դուրս կմնա առհասարակ բոլոր տեսակի միջազգային օրակարգերից։

Աղբյուր` Փաստինֆո