Փաստ ինֆո

Արշակ Կարապետյանի հայտարարությունից հետո ինչ-որ ժամանակ է պետք։ 5 տարի է` այս քաղաքական հայտ ներկայացնողները, բոլորը ասում էին սենց կանենք, նենց կանենք, Նիկոլին էս կանենք, էն կանենաք՝ ո՞ւր ա, էօրվա իրականության մեջ Նիկոլն ամեն ինչ անում է։ «Փաստինֆոյի» հետ զրույցում ասաց ռազմական, քաղաքական գործիչ Գևորգ Գևորգյանը, ով ՀՀ պաշտպանության նախկին նախարար Արշակ Կարապետյանի աղմկահարույց հայտարարությունից հետո հայտնեց, որ միավորվում է վերջինիս հետ և իր աջակցությունն է հայտնում։

Մեր այն դիտարկմանը, որ Կարապետյանի հայտարարությունից հետո անցել են օրեր, սակայն նրա ակտիվությունը նկատելի չէ` Գեւորգյանը նշեց, որ մոտակա օրերս կտեսնենք Արշակ Կարապետյանի հետագա քայլերը:
«Արշակ Կարապետյանն հիմա Մոսկվայում է, ես էստեղ եմ՝ Երևանում, իմ կոչն անելուց հետո մենք գործում ենք ամենօրյա ռեժիմով», - նշել է Գեւորգյանը:

Հարցին, թե որքանով էր ճիշտ Հայաստանում քաղաքականության մեջ մտնելու մասին Կարապետյանի կողմից Մոսկվայից հայտարարությամբ հանդես գալը հատկապես այս փուլում, երբ Ռուսաստանի հետ հարաբերությունների որոշակի լարվածություն կա` Գեւորգյանը պատասխանեց, որ Կարապետյանը տևական ժամանակ է Մոսկվայում է, նաև խորհրդական նշանակվելուց առաջ էր Մոսկվայում, այնտեղ ռազմական կցորդ էր։«Իրավիճակն հետևյալն էր, այսօր մենք ունենք բավական լարված իրավիճակ Ռուսաստանի հետ, ես անկախ իմ քաղաքական գիտելիքից ու ինֆորմացիայից ցնծության մեջ չեմ ՌԴ-ի Հայաստանի հետ վարվող քաղաքականությունից, բայց այսօր Նիկոլն ՌԴ-ին էլ է քլնգում, ընդդիմությանն էլ, ԱԺԲ-ն էլ էդ ինչի չեք միավորվում։ Մենք մեկուսացել ենք բոլորից, բոլորին քլնգելով մեկուսացել ենք։

Անդրադառնալով դիտարկումներին, թե ինչու պաշտոնից ազատվելուց հետո չէր բարձրաձայնում այն ամենն ինչի մասին հիմա է խոսում՝ Գևորգյանն ասաց, որ մենք պետականություն ենք կորցնում, «էդ կարծիք հայտնողները էլ չե՞ն ուզում երկիր փրկել, ինչի եք վատ զգում, որ նոր գեներա՞լ է հայտ ներկայացրել ու ասում է, որ սրանք հանցագործներ են»։

 Մանրամասները՝ տեսանյութում:

Աղբյուր` Փաստինֆո