Փաստ ինֆո

Այս մարդը պարտավորություններ է վերցրել Ալիևի առաջ, որ հիմնահատակ վերացնելու է հայկական և ազգային ամեն ինչ և, ահա, նա անխոչընդոտ քայլերով գնում է այս ուղղությամբ։ Երբ ասում եմ, մարդիկ թերահավատորեն են վերաբերում սրան, բայց նորից եմ կրկնելու՝ Նիկոլ Փաշինյանը պատրաստ է անգամ հաստ և բարձր պարիսպներ կառուցել, որպեսզի այլևս ոչ ոք Հայաստանի կողմից չտեսնի Արարատ լեռը, ինչպես նաև արգելել, որ Հայաստանում կառուցող որևէ շենք և շինություն դեպի Արարատ նայող պատուհան ունենա։ Ես սա հեգնանքով կամ չափազանցված չեմ ասում,-«Փաստինֆո» լրատվականի հետ զրույցում ասում է «Ազգային անվտանգություն» կուսակցության ղեկավար Գառնիկ Իսագուլյանը՝ վերլուծելով ՀՀ-ում վարչապետ աշխատող Նիկոլ Փաշինյանի երեկ՝ Հանրային հեռուստաընկերությանը տված հարցազրույցը։

Հիշեցնենք, Նիկոլ Փաշինյանը, ի թվիս բազմաթիվ վիճարկելի մտքերի, հոկտեմբերի 10-ին տված հարցազրուցում ակնարկեց նաև ՀՀ-ից տարածքային ապագա հավանական կուստների մասին, իսկ ընդդիմության գործողությունները որակեց ռևանշիստական, ինչպես Ադրբեջանը՝ նշելով, որ վերջինիս նախագահ Ալիևի համար դա որպես սպառնալիք է ընկալվում՝ իր հավանական բոլոր հետևանքներով։

Գառնիկ Իսագուլյանը նկատում է՝ բոլորովին պատահական չէ, որ այսօրինակ մտքեր Նիկոլ Փաշինյանը հայտնում է հենց Պետրոս Ղազարյանի հետ զրույցներում, որի կինը՝ ԿԳՄՍ նախարարուհին, հաջողությամբ պրոթուրքական գիծն է առաջ տանում ՀՀ կրթական ոլորտում, ինչի վառ ապացույցներից մեկն էլ՝ այս տարվա պատմության դասագրքերն են, որտեղ, ի շահ մեր թշնամի երկրների՝ Թուրքիայի և Ադրբեջանի, ակնհայտ կերպով աղավաղված են Հայոց Պատմության վերաբերյալ հայտնի փաստերը։

Նիկոլ Փաշինյանը վերցնելու և սպանելու է հայկական շահին առնչվող ցանկացած փաստ և գործողություն, ինչը նա մինչ օրս անում է և սեփական տեսակի համաձայն, իր ցանկացած կատարած քայլ ու դրա աղետալի ու ողբերգական հետևանքները գցում ում վրա պատահի, այդ թվում նաև՝ ընդդիմության. «Եվ այո, ես զարմանում եմ, որ դուք դեռ հարց եք տալիս, թե ինչո՞ւ է Նիկոլը հիմա էլ Հայաստանից սպասվելիք տարածքային կորուսների մեղքը բարդում ընդդիմության վրա՝ հորջորջելով, թե դա կարող է պատահել նրանց վարած քաղաքականության արդյունքում։ Բա ինչ պետք է նա աներ, դուք նրանից այլ բա՞ն էիք սպասում։ Իսկ դուք հիշո՞ւմ եք վերջին մի քանի տարիների ընթացքում տեղի ունեցած ողբերգական որևէ դեպքի համար նա իր ուսերին պատասխանատվություն վերցրած լինի, ես չեմ հիշում։ Իսկ ինչո՞ւ հիմա, երբ Հայաստանը կանգնած է նոր և ավելի աղետալի զարգացումների առաջ, նա պետք է նույն կերպ չվարվի։ Թուրքական փողերով սնված, նույն փողերով իշխանության եկած ու իր իշխանությունն ամեն գնով այդ փողերով պահել փորձող Փաշինյանը հենց այդպես էլ պետք է վարվեր, այստեղ որևէ նորություն կամ անսպասելի բան գոնե ինձ համար չկա։ Հարցն այլև այլ հարթության մեջ է վաղուց՝ իսկ ինչո՞ւ է ընդդիմությունը այսքան ժամանակ այս ամենը թույլ տալիս, կամ ո՞վ է մեր այսօրվա ընդդիմությունը…Այս հարցի պատասխանն է այլևս պետք հասկանալ, որն, անձամբ ինձ համար, անհասկանալի է մնացել»,- ամփոփելով զրույցն, ասում է Գառնիկ Իսագուլյանը։

Աղբյուր` Փաստինֆո