Փաստ ինֆո

ՌԴ նախագահ Վլադիմիր Պուտինն իր ադրբեջանցի գործընկեր Իլհամ Ալիևին առաջարկել է պատվիրակությունների մասնակցությամբ բանակցություններից հետո առանձնազրույց ունենալ, որպեսզի քննարկեն ողջ համալիրը, այդ թվում՝ զգայուն հարցեր:

Պուտինը Ալիևի հետ հանդիպում է անցկացնում Ղրղզստանում, որտեղ երկու առաջնորդները ժամանել են ուրբաթ կայանալիք ԱՊՀ գագաթնաժողովին: Բանակցություններին մասնակցում են երկու երկրների պատվիրակությունները։

Հանդիպման սկզբում Ռուսաստանի ղեկավարը հիշեցրել է, որ ոչ վաղ անցյալում իրենք ադրբեջանցի գործընկերոջ հետ շփվել են հեռախոսով: Նա հստակեցրել է, որ հանդիպման ընթացքում իրենք ուշադրություն կդարձնեն Լեռնային Ղարաբաղում իրավիճակի հետ կապված հարցերին:

«Թիվ մեկ հարցը Ղարաբաղի շուրջ ստեղծված իրավիճակն է, բայց մենք ունենք նաև այլ օրակարգ, այն բավականին ընդարձակ է։ Առաջարկում եմ մեր զրույցը կառուցել հետևյալ կերպ. մենք այդ ժամանակ գուցե երկրորդ մասից սկսենք, որպեսզի կարողանանք գործընկերների հետ արտահայտվել, խոսել: Իսկ հետո նաև դեմ առ դեմ կմնանք և կշփվենք, կխոսենք ամբողջ համալիրի, այդ թվում՝ այսպես կոչված զգայուն հարցերի շուրջ», - առաջարկել Է Պուտինը։

Ալիևը ողջունել է ռուս գործընկերոջ առաջարկը։ «Շատ ուրախալի է, որ Ղրղզստան պետական այցի շրջանակներում ժամանակ գտաք հանդիպման համար։ Իրականում հարցերը շատ են։ Ես կարծում եմ, որ ձեր առաջարկը միանգամայն խելամիտ է», - ասել է արհեստածին պետության նախագահը։

Աղբյուր` Փաստինֆո