Փաստ ինֆո

Արցախից բռնի տեղահանված քաղաքացիներից 52 600-ն արդեն ստացել է կառավարությունն կողմից տրամադրվող 100 000 դրամ վճարումները։ Այս մասին ՀՀ կառավարության նիստում ասաց փոխվարչապետ Տիգրան Խաչատրյանը։

«Կարգն այնպիսին է, որ ամեն շաբաթ ամփոփվում են տվյալները։ Բոլոր լրացուցիչ տվյալները նույնականացվում են, այդ 52 600 -ին վաղը կգումարվեն ևս 13 500»։

Նա նշեց, որ երեխաների համար դիմում է ծնողներից մեկը։ «Արդեն ընդունել են ևս 23 300 դիմումներ, որոնցից 15 200-ը մշակված են, մնացածը՝ շարունկվում են մշակման փուլում գտնվել։ Մշակված 15 200-ից 1 800-ի վճարումները վաղը կներառենք այն 13 500-ի մեջ։ Այսինքն, կարող ենք ասել, որ մենք եկող շաբաթվա ավարտին մոտ կլինենք 90 000 թվին, այսինքն, այդքան մարդ կստանա 100 000-ական դրամները, մնացածը կախված կլինի, թե ինչ արագությամբ քարտային հաշիցներ կբացեն ու դիմումներ կներկայացնեն»։

Նրա փոխանցմամբ՝ մեծ մասն արդեն դիմումներ ներկայացրել են։ «Վաղը կհասնենք 66 100-ի, ապա մնացածի մեծ մասը երեխաների դիմումներն են, որոնք ընթացքի մեջ են։ մենք ակնկալում ենք, որ ևս 7 000 երեխայի դիմում կստանան, որովհետև ընդհանուր հաշվարկով մենք ակնկալում ենք, որ երեխաների թիվը 30 000-ին է մոտենալու։ Մնացած 14-15 հազարը դեռևս քարտային հաշիվներ բացելու գործընթացը չեն ավարտել, սա է պատճառը, որ 100 տոկոսի մասին դեռ չենք խոսում, քանի ոչ չգիտենք, թե քարտային հաշիվները ինչ արագությամբ են բացվում և նույնականացվելու»։

Նիկոլ Փաշինյանը նշեց, որ հնարավոր է, որ աջակցության մասին տեղեկատվությունը բոլորին հասած չլինի, քանի որ կան մարդիկ, ովքեր գյուղերում են տեղավորվել և տեղեկություններ կարող են չունենալ։ «Երբ գրանցվածներին գումաները տրամադրման գործընթացն ավարտվի՝ մենք կարող ենք տեսնել, ու նույնականացնել մարդկանց, ովքեր քարտային հաշիվներ չեն բացել և մեր սոցիլական մարմինների՝ ՏԻՄ-երի միջոցով գնանք այդ մարդկանց հետ կոնտակտի՝ տեսնելու համար, թե ինչու այդ մարդիկ քարտ չեն բացել։ Կլինեն մարդիկ, ովքեր անգամ առկա տեղեկատվության պայմաններում չեն կողմնարոշվում, թե ինչ պետք է անեն։ Այսինքն, մարդկանց հետ պետք է գնանք կոնտակտի։ Եթե 4000-5000 մարդ դուրս կմնա ծրագրից՝ մենք պետք է հասկանանք, թե ինչու։ Եթե իրենք կհաստատեն, որ դրա անհրաժեշտությունը չունեն՝ շատ լավ, բայց եթե այլ խնդիր կա՝ պետք է մարդկանց աջակցենք»։

Աղբյուր` Փաստինֆո