Փաստ ինֆո

Մենք չեք թաքցրել խնդիրները, որ ունենք նաև ՀԱՊԿ-ի հետ կապված, դրանք առաջացել են 2021 թ-ի իրադարձություններից հետո։ Այս մասին Հանրային ՀԸ-ին տված հարցազրույցում ասաց ՀՀ վարչապետ Նիկոլ Փաշինյանն՝ ընդգծելով, որ «2020 թ-ի հետ կապած «պրետենզիաներ» չենք ներկայացրել ՀԱՊԿ-ին կամ ՌԴ-ին, բայց 2021 թ-ի Սոթք-Խոզնավարի ժամանակ, այո, շատ կոնկրետ խնդիրներ ենք բարձրացրել և շարունակում ենք բարձրացնել»։

Նա նաև պատմեց իր և ՌԴ նախագահ Վլադիմիր Պուտինի առաջին հանդիպման մասին։

«Ուզում եմ գաղտնիք բացել` ՌԴ նախագահի և իմ միջև առաջին հանդիպման մասին՝ 2018 թ-ին, Սոչիում։ Առաջին խոսակցությունը եղել է հետևյալի մասին։ ՌԴ նախագահն ասաց, որ գիտի, որ շատ են այն խոսակցությունները, որ ՌԴ-ն միջամտում է տարբեր երկրների գործերին՝ նրանց սուվերենությունը նսեմացնում է։ Նա վերահաստատել է, որ անվերապահ հարգանք ունի ՀՀ ինքնիշխանության, անկախության և որոշումներ կայացնելու ազատության վրա։

Մենք, ըստ էության, մեր հարաբերությունները կառուցում ենք հենց այդ առաջին հանդիպման ընթացքում ձեռք բերված պայմանավորվածությունների վրա։ Մենք ոչ մի պարտավորություն չենք հրաժարվել կատարել, բայց մյուս կողմից էլ մենք բազմաթիվ պրոբլեմներ տեսել ենք, տեսնում ենք և խոսում ենք դրանց մասին», - ասել է Փաշինյանը։

Դիտարկմանը՝ թե այսինքն մենք վեկտոր չենք փոխում, և շարունակում ենք մնալ ՌԴ ռազմավարական դաշնակիցը ու մեր հարաբերությունները այլ երկրների հետ՝ միմյանց դեմ չեն կառուցվում՝ նա պատասխանեց, որ մեծ հաշվով դա այդպես է, բայց դա պայմանավորվել են ՌԴ նախագահի հետ առաջին խոսակցության ժամանակ։
Անդրադառնալով Հռոմի ստատուտին՝ Փաշինյանն ասաց, որ Հայաստանի գործողությունների ընկալման խնդիր կա այս հարցում։

«Մենք 2020 թ-ի սեպտեմբերից հետո, երբ տեսանք, որ անվտանգային համակարգերը չեն գործում՝ սկսեցին փնտրել, թե էլ ինչ համակարգեր կան, որոնք կարող են նպաստել անվտանգության ապահովմանը։ Մենք տեսանք, որ ունենք Հռոմի ստատուտ ենք ստորգրել, որը նաև ՌԴ-ն է ստորագրել։

Դա 2022թ-ի դեկտեմբերն էր, մեր օրենսդրությամբ ՍԴ-ն պետք որոշում կայացներ այս հարցի շուրջ 3 ամսվա ընթացքում։ ՍԴ-ի 3 ամիսը լրացավ այն ժամանակ, երբ Միջազգային քրեական դատարանը որոշում կայացրեց ընդդեմ ՌԴ նախագահի։ Թվում է, ակնհայտ համընկնում է, չէ, բայց Հաագայի դատարանը կայացնում է իր որոշումը, որից հետո 2-3 օրվա ընթացքում ՀՀ ՍԴ-ն է կայացնում իր որոշումը, ըստ որի՝ Հռոմի ստատուտն համապատասխանում է ՀՀ սահմանադրությանը, համընկնումներ կան, բայց նրանք, ովքեր գիտեն խորքային գործընթացները, գիտեն, որ ՀՀ կառավարությունը 2022 թ-ի դեկտեմբերին է այդ որոշումը կայացրել։ ՌԴ-ից մենք որևէ ազդակ չենք ունեցել, որ դա կարող է խնդրահարույց լինել։ Մենք ազդակ ունեցել ենք, երբ գնացքը շարժված է եղել ու այդ գնացքը անխուսափելիորեն պետք է տեղ հասներ, դա կապված չէ ՀՀ և ՌԴ հարաբերությունների հետ։ Ավեին, մենք նույն իրավակարգավորումն ունենք ԱՄՆ-ի հետ և նույնն առաջարկում ենք ունենալ ՌԴ-ի հետ, դրա իմաստն այն է, որ միջազգային հարաբերություններում կարգավորոմները չեն ազդում մեր երկկողմ հարաբերությունների վրա։ Հռոմի կանոնադրությունը դրա հնարավորությունը տալիս է»։

Աղբյուր` Փաստինֆո