Փաստ ինֆո

Վերջին ժամերի ընթացքում Երուսաղեմ քաղաքում երկու անգամ օդային տագնապ է հնչել, հրթիռակոծվել են քաղաքի մեձակայքում գտնվող որոշ կառույցներ, սակայն բուն քաղաքը ռազմական գործողութունների հետևանքով չի տուժել։ Հայ համայքում զոհեր, այս պահի դրությամբ, չկան, -«Փաստինֆո» լրատվականի հետ զրույցում ասում է Իսրայելի Երուսաղեմ քաղաքում բնակվող մեր հայրենակից Հայր Էմմանուէլ Վարդապետ Աթաջանյանը։

Հոգևորականը հավելում է՝ Երուսաղեմը Սուրբ քաղաք է համարվում՝ ինչպես հրեաների, այնպես էլ՝ արաբների համար։ Հետևաբար, ըստ բանախոսի, քաղաքն, ամենայն հավանականությամբ, չի կարող հրետակոծության ենթարկվել հակամարտող որևէ բանակի կողմից. «Իհարկե, իսրայելական բանակը գերժամանակակից է և տեխնիկապես ամենահագեցվածներից մեկը կարելի է համարել, այստեղ բնակիչների հեռախոսները հատուկ հավելված ունեն, որի միջոցով նախազգուշացում են ստանում՝ սպասվելիք հարձակման վերաբերյալ և օդային տագնապի միանալու պահից 90 վայրկյան ժամանակ ունեն՝ ապաստարաններ հասնելու համար, սակայն, ամեն պարագայում, կարծում եմ, սուրբ քաղաքը հրետակոծության չի ենթարկվի։

Այն մի քանի հրթիռները, որոնց այս ժամերի ընթացքում ընկել են Երուսաղեմ քաղաքի մեձակայքում, կարծում եմ, տեխնիկական վրիպակի հետևանք են եղել, որովհետև այդ սարուխների մեծ մասն ինքնաշեն են, գործարանային արտադրության չեն։ Վստահ եմ՝ թե՛ Գազայի հատվածից, թե՛ նաև Լիբանանի սահմանից, որտեղ այս պահի դրությամբ ռազմական ակտիվ գործողություններ են ընթանում, հատուկ նշանառությամբ Երուսաղեմ քաղաքի ուղղությամբ հրետակոծություն չէր իրականացվի, որովհետև այս քաղաքը հավասարապես սրբատեղի է համարվում ինչպես հրեաների, այնպես նաև՝ արաբ բնակչության համար։ Բացի այդ, այս քաղաքում խիտ բնակեցված արաբ բնակչություն կա»,- ասում է Հայր Էմմանուէլ Վարդապետ Աթաջանյանը։

Աղբյուր` Փաստինֆո