Փաստ ինֆո

Եռաբլուր զինվորական պանթեոնում այսօր հրաժեշտ էին տալիս սեպտեմբերի 19-ին Արցախում զոհված եղբայրներին՝ Սամվել և Արսեն Ստեփանյաններին։ 

 Կրտսեր եղբոր՝ Արսենի ընկերուհին պատմեց, որ վերջին օրերին Արսենը հաճախ էր մահից խոսում։ Ասում էր՝ մեկա մեռնելու ենք, գոնե դիրքերում լինեմ։

 «Էդպես էլ չկարողացա համոզել, որ դիրքերից իջներ, շատ էր սիրում մամային, եղբորը։ Անհանգիստ էր մամայի համար, ասում էր, ուզում եմ մամաս հանգիստ ապրի, ասում էր՝ երազում եմ գամ՝ գնանք եկեղեցի։ Վերջին անգամ ամսի 19-ի առավոտյան ենք խոսել, ասաց՝ քեզ լավ նայի։ Մինչ այդ՝ ամսի 15-ին զանգեց, պոստերում էր, խոսեցինք։ Միշտ առաջարկում էր շփվել, ասում էի՝ թող էս ամենը վերջանա։ Ասում էր՝ բլոկադայի մեջ եմ ու դա քեզ խանգարում է, չէ՞, մտածում ես՝ մեկա մահանալու ենք։ Ասեց մի առաջարկ, որ անեմ՝ կընդունե՞ս, ասեց, կամուսնանա՞ս իմ հետ, կատակի տվեցի, ասեցի՝ թող ամեն ինչ վերջանա նոր խոսենք, ասեց ընդունում ես, թե չէ, ասեցի հա, միայն թե ամեն ինչ լավ լինի, ասեց՝ վսյո հանգիստ կարամ գնամ մահանալու...»,- «Փաստինֆո»-ին պատմեց տղայի սիրած աղջիկը։

Աղբյուր` Փաստինֆո