Փաստ ինֆո

Արցախի ինքնապաշտպանության համար կռված շատ մարդիկ այսօր մտավախություն ունեն առ այն, որ իրենց կարող են հանձնել Ադրբեջանին: Հավատացեք, մտավախություն ունեն և իրենց համար դա առավել առարկայական դարձավ, երբ Արցախը դատարկվեց և հայտարարվեց, որ Արցախը Ադրբեջանի տարածքային ամբողջականության մեջ է ճանաչվում: Այս մասին «Փաստինֆո»-ի հետ զրույցում ասաց փաստաբան Հովսեփ Սարգսյանը:

Արդեն տեղեկացրել ենք, որ այսօր ադրբեջանական գերության մեջ են գտնվում Արցախի ռազմաքաղաքական 8 գործիչ՝ Արկադի Ղուկասյանը, Բակո Սահակյանը, Դավիթ Բաբայանը, Դավիթ Իշխանյանը, Լևոն Մնացականյանը, Դավիթ Մանուկյանը, Արայիկ Հարությունյանը, Ռուբեն Վարդանյանը: Նրանց Ադրբեջանը հիմնակում մեղադրում է ահաբեկչական գործունեության ֆինանսավորման, կազմավորման և սահմանն ապօրինի հատելու մեջ։

Դիտարկմանը, որ, ըստ էության, այս մեղադրանքները կարող են սպառնալ ՀՀ յուրաքանչյուր քաղաքացու, որը երբևէ մասնակցել է արցախյան գոյամարտերին կամ այցելել Արցախ:

«Բոլորն էլ լավ գիտեն՝ հնարավորություն ունեին դուրս գալու, բայց մնացին այնքան, մինչև վերջին մարդը դուրս եկավ և իրենց գերի վերցրին, տարան»,- նշեց Սարգսյանը՝ արձանագրելով, որ այդ պայմաններում, եթե վերցնենք որպես հակամարտող կողմ՝ Արցախին և Ադրբեջանին, ապա գործում է Ժնևի երրորդ կոնվենցիան և պետք է իրենք էլ վերադառնային, ինչպես, օրինակ, Սամվել Բաբայանը. «Ես չգիտեմ՝ ինչպես է նա վերադարձել՝ Ժնևի կոնվենցիայի դրույթներով, թե՝ ոչ, կարևորը՝ վերադարձել է և ես կկարևորեի, որ Արցախի մեր մյուս նախագահները վերադառնային, Ռուբեն Վարդանյանը վերադառնար»:

Մեր զրուցակիցը մեջբերեց ՌԴ նախագահի այն ակնարկը, որ իրականում նրանց չէին էլ սպասում ՀՀ-ում, ապա նաև հիշեցրեց 2018թ. հետո Արցախի հերոսներին նսեմացնելու, պատերազմի մասնակցած մարդկանց հեղինակազրկելու, «տուշոնկա շոուի» թիրախավորված քաղաքականությունը, ինչը նպատակ էր հետապնդում ցույց տալու, որ ամեն պահի այս իշխանությունները կարող են նսեմացնելու, միայն թե, «հարգելի Ադրբեջանը» պահանջներ չունեն, մինչդեռ, Ադրբեջանը թքած ունի նման քաղաքականության վրա: Ինչ վերաբերում է քայլերին, որոնք ՀՀ իրավապահները պետք է իրականացնեն՝ ՀՀ քաղաքացիների իրավունքների պաշտպանության համար, մեր զրուցակիցը ցավով արձանագրեց, որ կան շատ Արցախի ինքնապաշտպանության համար կռված մարդիկ, որոնք մտավախություն ունեն առ այն, որ իրենց կարող են հանձնել Ադրբեջանին: Հավատացեք, մտավախություն ունեն և իրենց համար դա առավել առարկայական դարձավ, երբ Արցախը դատարկվեց և հայտարարվեց, որ Արցախը Ադրբեջանի տարևածքային ամբողջականության մեջ է ճանաչվում և չի կարող ասել, որ ՀՀ որևէ քաղաքացի կարող է պաշտպանված լինել, ցանկացած պահի այդ քաղաքացուն կարող են հանձնել:

Սարգսյանը հիշեցրեց, որ նախկինում դատախազությունում քննչական խումբ կար, որոնք քննություն էին իրականացնում՝ ՀՀ –ի և Արցախի դեմ ադրբեջանական հանցագործությունների վերաբերյալ, մեղադրանքներ էին հարուցվում, հետախուզում հայտարարվում, սակայն փաստաբանը տեղեկություն չունի՝ այժմ՝ 2018թ. իրադարձություններից հետո դա իրականացվում է, թե՝ ոչ:

«Թե Արցախում, թե ՀՀ-ում՝ 1991թվականից ի վեր, որը մեկ անգամ ավտոմատի փողն ուղղել է ադրբեջանական ԶՈՒ-երի ուղղությամբ, ըստ էության, այդ մարդիկ արդեն Ադրբեջանի համար ահաբեկիչ են համարում, ով մեկ տուփ քաղցրավենիք է տարել զորամաս, մարտական դիրքեր, ուրեմն այդ մարդը, ըստ Ադրբեջանի, կարող է ահաբեկչության ֆինանսավորում իրականացնել»,- ասաց փաստաբանը՝ զուգահեռներ անցկացնելով 2018թ. իրադարձություններից հետո բանակի նվիրյալների, ռազմական գործիչների դեմ հետապնդումների հետ՝ արձանագրեց, որ այդկերպ ցույց են տալիս թշնամուն, որ այդ մարդիկ ընդունելի չեն: Բացի այդ, Սարգսյանն ուշադրություն հրավիրեց նաև այն հանգամանքին, որ սահմանամերձ բոլոր բնակավայրերի ղեկավարները քրեական հետապնդման են ենթարկվում:

Սարգսյանի խոսքով՝ իրավապահ մարմինները պայքարում են բանակի դեմ՝ մեր երբեմնի հզոր բանակը կազմալուծելով, թուլացնելով, մարտական ոգին իջեցնելով՝ «ելակի» անվան տակ:

Հեղինակ՝ Իզաբել Սահակյան

Մանրամասները՝ տեսանյութում

Աղբյուր` Փաստինֆո