Փաստ ինֆո

Գրանադայի հանդիպման չեղարկման պատճառ էր այն, որ Գրանադայում նախապատրաստվում էր ստորագրվել առնվազն փաստաթուղթ, որով պետք է նախնական լուծում ստանար այսպես կոչված «Զանգեզուրի միջանցքը», որին կատեգորիկ դեմ է Իրանի Իսլամական Հանրապետությունը։ Քանի որ, եթե երկուսը գնում էին, հետևաբար արևմուտքի ղեկավարությամբ ստորագրվում էր այդ փաստաթուղթը և «Զանգեզուրի միջանցք»-ի հարցը դրական լուծում էր ստանում։

Բանախոսի դիտարկմամբ, Իրանը, որը բազմիցս ասել է, որ թույլ չի տալու «Զանգեզուրի միջանցք»-ի բացումը որևիցե ձևով, որևիցե երկրի վերահսկողությամբ, ռազմական գործողություններ կարող էր սկսել ինչպես Հայաստանի, այնպես էլ Ադրբեջանի դեմ։ Խնդիրը կայանում էր նաև նրանում, որ այդ «Զանգեզուրի միջանցք»-ին դեմ էր ոչ միայն Իրանը, այլև Չինաստանը, քանի որ դա միջանցք է, որը Արևմուտքին հանգիստ և անխափան ճանապարհ է տալիս դեպի Կենտրոնական Ասիա։ Ուստի թե՛ Իրանը, թե՛ Չինաստանը առաջարկել են Ռուսաստանին, քանի որ սա ռուսական ազդեցության գոտի է, այնպես անել, որ Գրանադայում ստորագրություն չկայանա։ Ինչպես տեսնում ենք, Ռուսաստանի դա հաջողվել է։

Անդրադառնալով Արցախում էթնիկ զտումների վերաբերյալ ՄԱԿ-ի հայտարարությանը, փորձագետը նշեց, որ ՄԱԿ-ին հետևեց ԱՄՆ-ի Պետդեպարտամենտի մամլո խոսնակի հայտարարությունը առ այն, որ պետք է ՄԱԿ-ից ավելի անկախ միջազգային բազմաքանակ դիտորդներ ուղարկվեն տարածաշրջան, որպեսզի այնտեղ ստուգեն հայկական պատմաճարտարապետական հուշարձանների առկայությունը, բնակիչների վիճակը և այլն։ Արևմուտքը այս պահի դրությամբ խնդիր ունի ամրապնդվել Ղարաբաղի տարածաշրջանում։ Հիմա սկսվում է Արևմուտք-Ադրբեջան խաղը։

Քաղտեխնոլոգի խոսքերով, քաղաքականության մեջ իրավական կողմին այնքան էլ ուշադրություն չեն դարձնում։ Եթե Ղարաբաղում նորից իշխանություն ստեղծվի՝ նորից կհիմնեն Արցախի Հանրապետությունը, կստեղծվեն պետական մարմիններ և անկախությունը կվերականգնվի։ Եթե Ղարաբաղում հայկական զորքեր լինեն նորից կհիմադրվի հանրապետություն։ «Մեր դիմաց չինական բանակ չէ՝ կոռումպացված բանակ է, որը մեծ դժվարությամբ հասավ հաջողության այն դեպքում, երբ հայկական բանակը չէր կռվում»,- ասել է Ա․ Բադալյանը։

Մանրամասները՝ տեսանյութում։

Աղբյուր` Փաստինֆո