ԲՈԼՈՐ ՆՅՈՒԹԵՐԸ
Ադրբեջանի ցեղասպան քաղաքականության հետևանքով բռնի տեղահանված արցախցիները կարող են ֆինանսական փոխհատուցման հարց բարձրացնել՝ ընդդեմ Ադրբեջանի ներկայացված ՄԻԵԴ գանգատներով 10/05/2023 21:04 | Ցեղասպանություն՝ Արցախում
Ադրբեջանի ցեղասպանական գործողությունների հետևանքով Արցախից բռնի տեղահանված արցախցիները, որոնք իրենց կյանքը փրկելու համար տեղահանվել են՝ թողնելով Արցախում իրենց տունը, գույքը, ամբողջ կյանքի աշխատանքը, կարող են ֆինանսական փոխհատուցում պահանջել Ադրբեջանից։ Միջազգային իրավունքի մասնագետ Արմեն Գալստյանը «Փաստինֆո»-ի հետ զրույցում ասաց, որ ֆինանսական փոխհատուցման հարցը ՄԻԵԴ-ում կարող է բարձրացվել ինչպես անհատական գանգատների, այնպես էլ՝ Ադրբեջանի դեմ ներկայացված ՀՀ գանգատի շրջանակներում։ Մասնավորապես, ՄԻԵԴ պրակտիկայի համաձայն՝ միջպետական գանգատով որոշում կայացնելուց հետո հարցը թողնում է Նախարարների կողմիտեին՝ փոխհատուցումների և այլնի վերաբերյալ մեխանիզմներ ստեղծելու։
«Կարող են անհատական գանգատներ ներկայացնել, բայց հարցը կարող է քննվել նաև միջպետական գանգատի շրջանակներում, որն արդեն կա՝ 2020թ․ պատերազմից հետո գոյություն ունեցող իրավիճակների հետ կապված։ Կարծում եմ՝ այս մասով պետք է լրացվի արդեն»,- նշեց փորձագետը։
Դիտարկմանը, որ Արցախի Հանրապետության քաղաքացիները ՀՀ քաղաքացիներ են՝ «կապույտ» անձնագրերով, սակայն արդյո՞ք Նիկոլ Փաշինյանի կողմից Արցախը Ադրբեջանի մաս ճանաչելը չի կարող խոչընդոտ համարվել ՄԻԵԴ-ում գործի քննության համար, Գալստյանը նշեց, որ դա մարդու իրավունք է, քաղաքացիության հետ շատ ավելի քիչ կապ ունի։
«Գոյություն ունի անձի՝ բռնի տեղահանված լինելու վիճակի ապացուցման խնդիրը, որովհետև, եթե անձն ինքնակամ է լքել որոշակի տարածք, ապա դրա հետ կապված պահանջ ներկայացնել չի կարող։ Այսինքն, եթե ցույց տրվի, որ կա ռիսկ՝ կյանքին, առողջությանը, որ այդ ռիսկն այնքան բարձր է եղել, որ անձը ստիպված թողել է և հեռացել, այդ դեպքում գանգատների ներկայացումը կլինի ողջամիտ և իրավաչափ՝ բավարարման հնարավորության համատեքստում։ Միտքը, որ «արցախցիների կյանքին վտանգ» չի սպառնում (Նիկոլ Փաշինյանի հայտարարությունը՝ ՄԱԿ ԱԽ նիստից առաջ, որը փաստացի Ադրբեջանը հենց այդ նիստում օգտագործել է արդեն ՀՀ-ի դեմ՝ հակադարձելով ՀՀ ԱԳ նախարար Արարատ Միրզոյանի ներկայացրած փաստերին՝ Արցախում Ադրբեջանի կողմից էթնիկ զտման, ցեղասպան քաղաքականության վերաբերյալ․ հեղ․ ), այ այդտեղ խնդիր կա և հիմա Ադրբեջանն ամեն ինչ անում է՝ քաղաքացիություն է տալիս և այլն՝ ցույց տալու համար՝ իբրև թե ամեն բան նորմալ է, արցախցիներն, իբր, ինքնակամ են հեռացել և ոչինչ չի սպառնում»,- նշեց Գալստյանը՝ ընդգծելով, որ մեր կողմից պետք է ներկայացվեն փաստերը, որ կար այնպիսի սպառնալիք, որ արցախցիները ստիպված, բռնի տեղահանվել են՝ 9-10 ամիս մնացել են շրջափակման մեջ՝ քաղցած, Ադրբեջանի իշխանությունները փակել են միջանցքը, ապա՝ ռազմական ագրեսիա իրականացրել, ինչի հետևանքով արցախցիների կյանքին իրական սպառնալիք է եղել։
Դիտարկմանը, որ պաշտոնապես դեռևս հայտնի էլ չէ՝ արդյո՞ք բռնի տեղահանված արցախցիների մասնակցությամբ արդեն ՀՀ իրավապահ մարմինները քննչական գործողություններ իրականացրել են, տուժող ճանաչել, արդյո՞ք փաստերի հավաքագրման համար ՀՀ-ն կարևոր ժամանակը չի կորցնում՝ հետագայում նաև միջազգային ատյաններում հարցերը բարձրացնելու համար, Գալստյանը կարեւորեց փաստերի համակարգված հավաքելը, հավաքագրելը։ «Դրանցով պետք է զբաղվել, իրավապահների հետ ինչ-որ հանձնաժողով, հանձնախումբ ստեղծել, փաթեթավորել բոլոր գործողությունները՝ ինչ կատարվել է այդ օրերին, որ դրանք էլ չկորչեն, արդյո՞ք Արցախի իշխանություններից ստացել են այդ օրերի գործողությունների ամբողջ պատկերը, ռուսական խաղաղապահ զորախմբի հետ համագործակցության կարիք էլ, կարծում եմ, կլինի, քանի որ բավականաչափ կապի խզում է եղել։ Այդ ամենը պետք է գնահատել, բայց քանի որ տեղեկություն չունեմ՝ ինչ է արվում, չեմ կարող ասել՝ ապահովվում է, թե՝ ոչ։ Գուցե արվում է, գուցե ինչ-որ համակարգեր կան, որ արվում է»։
Ինչ վերաբերում է բռնի տեղահանված արցախցիներին փախստականի կարգավիճակ տալուն և հարցին՝ դա որքանով կնպաստի ՄԻԵԴ-ում գանգատների քննությանը, Գալստյանը նշեց, որ պետությունը պետք է որոշի, թե ինչ կարգավիճակ տրվի նրանց, բոլորս ասում ենք, որ նրանք ՀՀ քաղաքացիներ են, բայց հնարավոր են կառուցակարգեր, որ նրանց նաև փախստականի կարգավիճակ տրվի, այդ դեպքում՝ ՄԱԿ-ի կառուցակարգերի պայմաններում ՄԱԿ համապատասխան մարմինները ավելի շատ գործ կունենան անելու այդ անձանց հետ՝ նրանց իրավունքների պաշտպանության համար։
«Այդ բոլոր հարցերն առանձին քննարկման առարկա են։ ՄԻԵԴ-ի տեսանկյունից դա քիչ նշանակություն ունի, կարող է որոշակի ազդեցություն ունենալ, բայց եթե անձը տեղահանվել է բռնի ձևով կամ իր կյանքին վտանգ սպառնալու պայմաններում՝ զուտ գույքային իրավունքների տեսանկյունից, չեմ ասում՝ կյանքի իրավունքի սպառնացող վիրավորանքի, անձնական իրավունքի՝ գերեզմաններ են թողել, անձնական կապեր են կորցրել և գույքային իրավունքներն այլ դաշտում են։ Փախստականի կարգավիճակն ուղղակիորեն ազդեցություն չի կարող ունենալ, դա կարող է գործոն լինել՝ որոշակի հարցեր ավելի լավ հիմնավորելու»,- նշեց Գալստյանը։
Հիշեցնենք, որ սեպտեմբերի 19-ին Ադրբեջանը պատերազմ է սկսել շուրջ 1 տարի բլոկադայի մեջ գտնվող Արցախի Հանրապետության դեմ՝ թիրախավորելով քաղաքացիական բնակավայրերը, անձանց։ Ադրբեջանական ցեղասպանական գործողությունների հետևանքով պաշտոնապես հայտնի է առնվազն 200 անձանց, այդ թվում՝ քաղաքացիական անձանց սպանության մասին։ Ընդ որում, ադրբեջանցիները շրջափակման մեջ գտնվող Արցախի նկատմամբ ռազմական ագրեսիա սանձազերծելուց հետո, որի ժամանակ թիրախավորել էին խաղաղ բնակիչները, որոնց տարհանելու հնարավորություն ուղղակի չկար, համաձայնվել էին կրակը դադարեցնել միայն Արցախի ՊԲ-ն լուծարելու պայմանով՝ պարտադրելով ընդունել ինտեգրացիայի պահանջը ու ներկայացրել Արցախի Հանրապետության կայացման գործում դերակատարում ունեցող անձանց ցուցակը։ Բաքուն պահանջել էր նրանց հանձնել, ըստ էության՝ դա սահմանելով խաղաղ բնակչության փրկագինը և այժմ Արցախի նախկին պետնախարար Ռուբեն Վարդանյանը, Արցախի նախկին նախագահներ Արկադի Ղուկասյանը, Բակո Սահակյանը, Արայիկ Հարությունյանը, ԱԺ նախագահ Դավիթ Իշխանյանը, ԱԳ նախկին նախարար Դավիթ Բաբայանը, գեներալ-լեյտենանտ Լևոն Մնացականյանը, Արցախի ՊԲ նախկին հրամանատարի նախկին տեղակալ Դավիթ Մանուկյանն առևանգված են ադրբեջանցիների կողմից։
Հաշված օրերի ընթացքում ավելի քան 100.000 հայ գաղթել է Արցախից։ Արցախի
Հեղինակ՝ Իզաբել Սահակյան
Հարակից հրապարակումներ`
Տեսանյութեր
09/07/2024 08:59 Զինվորականների գույքի օրինականությունն ուսումնասիրվում էՏեսադարան
09/02/2024 10:55 Սեպտեմբերի 2-ը Արցախի Հանրապետության հռչակման օրն էՄամուլ
- 09/14/2024 08:21 ՔՊ-ական արդարադատություն․ «Հրապարակ»
- 09/14/2024 08:17 Քրեական գործերի «տարափ» է սպասվում․ «Հրապարակ»
- 09/14/2024 08:15 Կրկին արարողակարգի խախտում. ինչպես է Մոսկվան ընդունել Գուրգեն Արսենյանին․ «Ժողովուրդ»
- 09/14/2024 08:12 Հարգանքի տուրք չմատուցեցին․ «Հրապարակ»
- 09/14/2024 08:08 Ինչու են լարվել Արարատ Միրզոյանի և Գուրգեն Արսենյանի հարաբերությունները․«Հրապարակ»
- 09/14/2024 08:05 Ռազմական ագրեսիայից անցել է 2 տարի. կյանքից զրկվածների ցուցակ իշխանությունները չեն հրապարակել․ «Ժողովուրդ»
- 09/14/2024 08:01 Քննչական կոմիտեն որոշում է կայացրել մեծ աղմուկ բարձրացրած 36 կգ ոսկու, 293 մլն ռուբլու հափշտակման գործով․ «Ժողովուրդ»
ՓԱՍՏԱԹՂԹԵՐ
- 09/02/2024 15:38 Հրատապ. Հրապարակվել է Հայաստանի և Ադրբեջանի միջև պետական սահմանի սահմանազատման և սահմանային անվտանգության հարցերով հանձնաժողովների համատեղ գործունեության մասին կանոնակարգը
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
Հարցազրույց
- 09/16/2024 13:35 Նախկինում Սրբազան աշխատած մարդու հետ պաշտոնական հանդիպում ՔՊ-ի օրակարգում չկա. Էմմա Պալյան
- 08/30/2024 20:13 Նորակառույցները զավթում են երթևեկելի գոտին ու հետիոտնի անցման տարածքը, իսկ քաղաքապետարանից դժվարանում են ասել, թե դեռ որքան են ընդլայնելու Երեւանի սահմանները
- 08/28/2024 17:49 «Միջանցքի» հարցում չպետք է շահագրգռված լինի հենց ՌԴ-ն. դա այն գինը չէ, որ արժե վճարել ռուս-ուկրաինական պատերազմում թուրք-ադրբեջանական իբր զսպվածության, բայց իրականում՝ պահանջատիրության դիմաց
- 07/23/2024 20:11 Պատահական չէ՝ երբ մեր իշխանությունները փորձում են ինչ-որ շեղում կատարել դեպի ռուսական հարթակ՝ Արևմուտքից հանկարծ հիշեցնում են կոկաինի պատմությունը. Ձյունիկ Աղաջանյան
Մեկնաբանություն
- 09/16/2024 16:49 Ցանկացած ժամանակակից պետության, այդ թվում՝ Հայաստանի զարգացումն ու բարօրությունը անմիջականորեն կապված է նրա պատմական ժառանգության հետ. Անանյան
- 09/16/2024 15:47 Նարեկ Մալյանը մեկ տարվա ազատազրկումն ամբողջությամբ կրել է. օրենքի ուժով ազատ կարձակվի. Մելիքյան
- 09/16/2024 15:44 Դատարանը մերժել է Ալեն Սիմոնյանի հայցադիմումն ընդդեմ MediaHub.am-ի
- 09/16/2024 14:32 Լուսահոգի Արմեն Գրիգորյանի գործով վերաքննիչ բողոքների վերաբերյալ որոշումը կհրապարակվի այսօր
Արխիվ
Արտակարգ պատահարներ
- 09/16/2024 21:25 1 զոհ, 2 վիրավոր. ողբերգական ավտովթար՝ Նավուր-Թթուջուր ճանապարհին
- 09/16/2024 19:23 Արագածոտնի մարզում «ԳԱԶ 2410»-ը բախվել է գազատար խողովակներին, կոտրել դրանք ու գլխիվայր շրջվել. shamshyan.com
- 09/16/2024 10:23 Արտակարգ դեպք՝ Երևանում․ Գարեգին Նժդեհի հրապարակում կրակել են թիվ 42 երթուղու ավտոբուսի վրա. shamshyan.com
- 09/15/2024 21:44 Դիտակ գյուղի սկզբնամասում «Opel»-ը հայտնվել է ճամփեզրի դաշտամիջյան հատվածում և շրջվել
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Հետաքրքիր է իմանալ
- 09/14/2024 18:58 Աշխարհի ամենաթերագնահատված երկիրը՝ ըստ փորձառու զբոսաշրջիկի
- 09/13/2024 21:08 Տղամարդու առնանդամը վերածվել է ոսկորի՝ հազվագյուտ հիվանդության պատճառով
- 09/13/2024 15:01 Ճնշում, գլխացավ, թուլություն. խրոնիկ հիվանդներին զգուշացնում են՝ այսօր և վաղը մագնիսական փոթորիկներ են սպասվում
- 09/12/2024 17:33 Մոռացված չիփպսի տոպրակը խախտել է արգելոցային քարանձավի էկոհամակարգը