Փաստ ինֆո

ԼՂ-ից բռնի տեղահանված մեր հայրենակիցներին միանվագ 100 հազար դրամ հատկացնելու որոշումն ընդունվեց Կառավարության այսօրվա նիստում։ Վաղվանից փոխանցումները կսկսվեն, իսկ երկուշաբթի օրվանից՝ ավելի տեմպով կարվեն դրանք։ Այդ մասին նիստին հայատարարեց ՀՀ աշխատանքի և սոցիալական հարցերի նախարար Նարեկ Մկրտչյանը։

«Աջակցությունից օգտվելու համար անձը պետք է հաշվառված լինի ՆԳՆ միգրացիայի և քաղաքացիության ծառայության տվյալների բազայում։ Նրանք, ովքեր ՀՀ մուտք գործելիս չեն հաշվառվել, հորդորում ենք հաշվառվել Հայաստանի 60-ից ավել համայնքներում ստեղծված տարածքային հումանիտար կենտրոններ (irazekwum.am) կամ Փարաքարի Միասնական սոցիալական ծառայության կայան (հասցե՝ Նաիրի 40):

Բոլոր նրանք, ովքեր ունեն բանկային քարտեր, կարիք չունեն բանկ գնալու, իսկ ովքեր չունեն, բանկերից կկարողանան ստանալ։ Այն քաղաքացիները, որոնք մի քանի բանկային քարտ ունեն, դրամական աջակցությունը կփոխանցվի վերջին ակտիվ բանկային քարտի հաշվին»,-ասաց նախարարը։

Բռնի տեղահանված այն արցախցիները, ովքեր չունեն անձը հաստատող փաստթուղթ, պետք է ներկայանան միգրացիոն ծառայություն, որտեղ անձը նույնակացվելուց հետո կտրվի տեղեկանք, որից հետո կարող են մոտենալ բանկ, բացել հաշիվ ու ստանալ գումարը։
Ծրագրի շահառուներ են հանդիսանում ԼՂ-ից բռնի տեղահանված մեր այն հայրենակիցները, որոքն սեպտեմբերի 24-ից հետո են բռնի տեղահանվել ու հասել Հայաստան։

«Որոշակի դժվարություն կարող են ունենալ 75 տարին լրացած, առաջին կամ երկրորդ կարգի հաշմանդամություն ունեցող տեղահանվածների դեպքում․ նրանք կարող են Հայփոստից կանխիկ եղանակով ստանալ աջակցությունը կամ էլ փոստատարի միջոցով՝ անձնագրի առկայության դեպքում։ Անչափահաս տեղահանվածների դեպքում ծնողներից մեկը պետք է միասնական սոցիալական ծառայության բաժնում մուտագրի երեխայի տվյալները, որից հետո կփոխանցվի գումարը։

Քարտային հաշիվ բռնի տեղահանված մեր հայրենակիցները կարող են բանկային հաշիվ բացել ՀՀ ցանակցաշ բանկում բացի «Մելլաթ» և «Ֆասթ» բանկերից։

Աջակցության ծրագրերի մասին օպերատիվ կերպով պարբերաբար տեղեկանալու համար նաև ցանկալի է, որ նոր հեռախոսահամար ձեռք բերելու դեպքում շահառուները մոտենան բանկ, որտեղ հաշվեհամար ունեն բացված ու տեղեկացնեն այդ մասին, որպեսզի հաղորդագրություններ ստանան։

Սոցապ նախարարը տեղեկացրեց, որ վճարումները կսկսվեն վաղվանից, աբյց մեկ օրւոմ անհնար է բոլոր շահառուներին հատուցումները տրամադրել, ուստի փոխանցումներն ավելի ակտիվ կարվեն երկուշաբթի օրվանից սկսած։

Աղբյուր` Փաստինֆո