Փաստ ինֆո

Ֆրանսիայի նախագահի խոսքով՝ Փարիզն ամեն ինչ անում է Երեւանին աջակցելու ուղղությամբ, «այդ թվում՝ Լեռնային Ղարաբաղի բնակչության համար»։

Ֆրանսիայի նախագահ Էմանուել Մակրոնը կարծում է, որ Լեռնային Ղարաբաղում իրավիճակի պատճառով Ադրբեջանի դեմ պատժամիջոցների սահմանումը արդյունավետ չէր լինի:

«Այժմ պատժամիջոցների ժամանակը չէ։ Դրանք անարդյունավետ կլինեին և կխանգարեին լավագույնս պաշտպանել Հայաստանի տարածքը և նրա բնակչությունը։ Այժմ պահանջկոտության, հստակության, պարտավորությունների, մասնավորապես՝ Ֆրանսիայի ընտրած զինվորական համազգեստով աջակցության ժամանակն է։ Բայց պատժամիջոցների ժամանակը չէ, քանի որ մենք պետք է շարունակենք երկխոսություն վարել Ադրբեջանի հետ», - ասել է նա Գրանադայում (Իսպանիա) եվրոպական քաղաքական ընկերակցության գագաթնաժողովի ավարտին կայացած մամուլի ասուլիսում:

Մակրոնի խոսքով՝ Ֆրանսիան ամեն ինչ անում է Հայաստանին աջակցելու ուղղությամբ, «այդ թվում՝ Լեռնային Ղարաբաղի բնակչության համար»: «Այժմ գլխավորը [Լեռնային Ղարաբաղից] ընտանիքների հետ կապված իրավիճակն է եւ սահմանի հարցը», - ասել է Ֆրանսիայի նախագահը՝ հավելելով, որ «անհրաժեշտ է աջակցել հայկական իշխանություններին՝ տարածաշրջանում որեւէ ապակայունացումից խուսափելու համար»:

Աղբյուր` Փաստինֆո