Փաստ ինֆո

Վերջին 10 օրում դոլարը 15 տոկոսով միանգամից թանկացավ, սա շատ կտրուկ է և շատ զավեշտալի, կարծում եմ՝ արտարժույթի շուկայում կտրուկ տատանումները Կենտրոնական բանկի կողմից որոշակի անուշադրության արդյունք է։

Այս մասին «Փաստինֆոյի» հետ զրույցում ասաց Գործատուների միության նախկին նախագահ Գագիկ Մակարյանը։

Նրա դիտարկմամբ՝ նման կտուրկ տատանումների պատճառըկ արող էր լինել Արցախից Հայաստան բռնի տեղահանությունը, որը խուճապը է առաջացրել, արդյունքում մարդիկ մեծ ծավալներով դոլար են գնում, որոհվետև հնարավոր է, որ արցախցիների մի մասը մտադիր էլ չէ այստեղ մնալու։

«Գուցե, մարդիկ նպատակադրված են դոլար գնել՝ արտագաղթելու համար, այսինքն դոլարի հանդեպ պահանջարկը մեծացավ, բայց Կենտրոնական բանկը սրան պետք է մեծ ուշադրություն դարձներ, որովհետև դոլարի թանկացումը հանգեցնելու է գնաճի։ Այսինքն, ներմուծված ապրանքերի գները կբարձրանան, ինչպես օրինակ բենզի դեպքում է»։

Մակարյանը նկատում է, որ բենզինը շատ արագ արձագանքեց արտարժույթի շուկայում տատանումներին, որովհետև սա այն ապրանքն է, որը գրեթե ամենօրյա ռեժիմով ներկրվում է Հայաստան և վաճառվում է։ Ընդ որում՝ վառելիք ներմուծողները հենց արտարժույթով են աշխատում»։

Կենտրոնական բանկը, ըստ նրա, պետք է կարողանա արագ զսպել այս գնաճը։ «Հայտարարություններ տարածի՝ մարդկանց խուճապային տրամադրություները մեղմելու համար, միաժամանակ, արտարժույթի շուկա որոշակի նետումներ կատարարի, որովհետև եթե սա երկարեց, ապա երկար ժամանակ թանկացած բենզին ու ապրանքներ ենք ունենալու։ Իսկ դա վտանգավոր է, քանի որ մարդկանց տրամադրությունները վատ են մարդիկ հուսահատ են, ձմեռվա շեմին ենք, 100 հազար նորգաղթյալ ունենք, միտինգներ են... այս ֆոնին հիմա էլ թանկացումների տեսքով է ստեղծում լարվածություն, որն անդրադառնալու է մարդկանց կեցության վրա։ Այսինքն, անգամ պետության կորոստներով էլ լինի՝ ԿԲ-ն պետք զսպման մեխանիզմներ գտնել, որովհետև չպետք է թույլ տալ, որ այդ խուճապը թափ հավաքի»։

Աղբյուր` Փաստինֆո