Փաստ ինֆո

Նախ՝ Հռոմի ստատուտի վավերացումը կհակասի ՀՀ Սահմանադրությանը, բացի այդ՝ շատ երկրներ, այդ թվում՝ ԱՊՀ անդամ երկրներից չեն վավերացրել այն, վավերացրել են միան Վրաստանն ու Տաջիկստանը։ Այս մասին ԱԺ-ում լրագրողների հետ զրույցում ասաց «Հայաստան» խմբակցության անդամ Արթուր Խաչատրյանը։

Դիտարկմանը, թե սա ադրբեջանական կողմին պատասխանատվության կանչելու մեխանիզմ է՝ Խաչատրյանն ասաց, որ Փաշինյանը Ալիևին կոչել է կիրթ և կառուցողական գործընկեր, տանում է խաղաղության օրակարգ։ «Դուք կարծում եք ՀՀ իշխանությունները Ալիևին դատի՞ են տալու, կատակո՞ւմ եք»։

Նա ընդգծեց, որ սա անդրադարձ է ունենալու հայ-ռուսական հարաբերությունների վրա։
«Եվ սա, և Փաշինյանի կնոջ Կիև գնալը թշնամական քայլեր էին, ցավոք, դրա հետևանքը կրելու ենք մենք, ժողովուրդը։ Հայաստանը բռնել է արտաքին քաղաքականության վեկտորի փոփոխության կուրս և Ռուսաստանից հակազդեցությունը սպասելի էր։ Մենյուն շատ մեծ է, թե ինչ կարող են անել»։

Անդրադառնալով Արցախում ստեղծված իրավիճակին և դա շուրջ միջազգային արձագանքներին՝ նա ընդգծեց, որ այս իշխանությունները «չբաշարեցին» անգամ մի բանաձև անցկացնել ՄԱԿ-ի Անվտանգության խորհրդում։ «Ի տարբերություն սրանց՝ Ադրբեջանը 1993 թ-ին 3 բանաձև կարողացավ անցկացնել, որով պահանջում էին դադարեցնել ռազմական գործողությունները, կարգավիճակի հարց այդ բանաձևերում չի քննարկվել։ Մեր ռազմական պարտությանը նախորդեց մեր դիվանագիտական պարտությունը»։

Նա նաև ընդգծեց, որ Արցախում այս իրավիճակը չէր լինի, եթե ՀՀ իշխանությունները չսրեին իրավիճակը։ «Արցախը տանում էին սովամահության, Արցախի իշխանություններն էլ ասացին, որ այդ իրավիճակում պետք է փորձեն մի բան անել, գործող նախագահը, գործող ԱԺ նախագահը հրաժարական էին տալիս, իշխանության բեռը ծանր էր, մարդիկ կամավոր հեռացան, չստեղծվե՞ր նոր իշխանություն։ Նոր իշխպանությունների օրոք էլ եղավ 2 ճանապարհների բացումը»։

Հարցին, թե արդյո՞ք Դաշնակցությունը Արցախում իշխանափոխության հարցում մասնակցություն ունեցել է՝ նա պատասխանեց, որ խորհրդարանական 3 ուժերը եկել էին կոնսենսուրսի, ըստ որի՝ քանի որ գործող իշխանությունները ձեռքերը լվացել էին, չէր կարող լինել անարխիա։

«Հայաստանը Պյուղատոսի նման ձեռքերը լվաց և Արցախի հայերին թողեց ադբեջանական բորենիների հոշոտմանը, ինչ տեղի ունեցավ դրանից հետո՝ երեկ ՀՀ տարածում ունեցանք հերթական զոհը»։

Անդրադառանալով Սամվել Բաբայանի դիտարկմանը, թե պետք է դատարանի առջև կանգնեն Արցախի պատգամավորեները՝ նա պատասխանեց, որ առաջինը Սամվել Բաբայանը պետք է կանգնի դատարանի առաջ։

Բաբայանը նաեւ նշել էր, թե Արցախի իշխանություններին պետք է ունեզրկել՝ նա պատասխանեց, էդ մարդկանց ունեցվածքը մնաց Արցախում, ի՞նչ ունեզրկման մասին է խոսքը։

«Ես առաջարկում եմ՝գնացեք Աժ պարկինգ և տեսեք, թե 2,5 տարվա ընթացքում ՔՊ-ական պատգամվորները ինչ մեքենաներից ինչ մեքենաներ են նստել, հետո խոսեք նրանց ունեզրկումից»։

Աղբյուր` Փաստինֆո