Փաստ ինֆո

Երկրորդ փուլ չի լինելու, ես չեմ գնալու երկրորդ փուլի. Առաջինը նրա համար, որ չլինի Հայկ Մարությանի ասածը, ես նրա դուդուկի տակ չեմ պարելու։ Այս մասին հայտարարել է «Հանրային ձայն» կուսակցության ղեկավար Վարդան Ղուկասյանն՝ արձագնաքելով Հայկ Մարությանի հայտարարությանը:

«Ես առաջարկել եմ, ասել եմ, տղա ջան, ինձ տալիս են վերահսկողական վարչության պետի պաշտոնը, ինձ ասում են՝ այդ պաշտոնը մրցութային է, իսկ Մարությանն ասում է՝ դուք ինձ պիտի ընտրեք, իմ մոտ աշխատեք ընդդիմություն։ Ընդդիմություն՝ ընդդիմություն, իմ համար ինչ տարբերություն՝ քո մոտ եմ ընդդիմություն աշխատում, թե Սիսիի մոտ (Տիգրան Ավինյան-խմբ)։ Դու ավելի վատն ես, դուրս ես եկել Նիկոլի մոտից գնացել ես Ռոբի ու Սերժ մոտ, որ նրանք քեզ ֆինանսավորեն։

Վարդան Ղուկասյանը օլիգարխ չի, որ ամեն անգամ էդքան գումար ծախսի ու նորից ընտրություններ անի։ Ես չեմ պատրաստվում նորից 5 մլն ծախեմ, որ քո քմահաճույքները բավարարեմ։ Ուզում ես քաղաքապետ դառնալ՝ կոալիցիա կազմի, դառի։ Ավելի լավ է Սիսին լինի, քան Ռոբի մարդը»։

Նա նաև նշել է, որ երկրորդ փուլ թույլ տալ չի կարող և չի կարող ընկնել «քուչա-քուչա» քարոզարշավ անել։

Մի վտանգ էլ կա, ամենամեծ վտանգը, ռոբասերժական կլանը չպիտի իր դիրքերն ամրապնդի: «Ավինյանը եթե վերարտադրվի, օրենքը թույլ է տալիս մի տարի հետո անվստահություն հայտնել և հեռացնել, բայց երբ ռոբասերժական կլանը ամրապնդվեց, դա կլինի Հայաստանի Հանրապետության վերջը լիակատար, կդառնա գուբերնիա՝ առանց Սյունիքի: Ես գնացի ինձ համար անընդունելի գորրծարքի, սակայն Հայկ Մարությանը ասաց, որ կամ ինքը քաղաքապետ կլինի, կամ՝ քաղաքապետ չի լինի, ես էլ պատասխանեցի՝ դու չես լինի քաղաքապետ: Հիմա ինձ քաղաքապետի ընտրությունների հարցը չի հուզում, ինձ հետաքրքիր է ինչ է լինելու մինչև ամսի 10-ը»,- ասաց նա:

Հիշեցնենք, որ Երևանի նախկին քաղաքապետ, «Ազգային առաջընթաց» կուսակցության կողմից քաղաքապետի թեկնածու Հայկ Մարությանը հայտարարել էր, որ բոյկոտելու են ավագանու առաջին նիստը նոր ընտրությունների գնալու համար։ Առաջին նիստում քվորում չափահովելու դեպքում նշանակվելու են ներ ընտրություններ։ Քվորում չի ապահովվի, եթե ավագանի անցած բոլոր ուժերի բոլոր անդամները չներկայաանանառաջին նիստին։

Նշենք, որ «Հանրային ձայն» կուսակցությունը սեպտեմբերի 17-ին կայացած Երևանի ավագանու ընտրությունների արդյունքներով ստացել է 7 մանդատ. Նրանցից մեկը կալանքի տակ է, մյուսը՝ հետախուզման մեջ ու, փաստացի, ավագանիում ունենալու են անդամ։

Ընտրություններին մասնակցած և ընտրական շեմը հաղթահարած ոչ մի քաղաքական ուժ չունի 33 մանդատ, որը պետք է քաղաքապետ ընտրելու համար: «Ազգային առաջընթաց» կուսակցությունն ու «Մայր Հայաստան» դաշինքը հայտարարել են, որ չեն մասնակցելու ավագանու առաջին նիստին ու եթե «Հանրային ձայնը» եւս չմասնակցի՝ քաղաքապետ չի ընտրվի ու տեղի կունենան նոր ընտրություններ, սակայն վերջինս հայտարարել է, որ կմասնակցի ու արդյունքում ՔՊ-ն ընդամենը 32,57 % ձայնով կվերարտադրվի Երեւանում։

Աղբյուր` Փաստինֆո