Փաստ ինֆո

Սեպտեմբերի 27-ին Արցախից ՀՀ տեղափոխման ընթացքում ալիևյան հրահանգով ադրբեջանցիների կողմից Լաչինի միջանցքում տեղակայված ապօրինի անցակետից առեւանգված Արցախի նախկին պետնախարար, հայտնի գործարար Ռուբեն Վարդանյանին /և ոչ միայն նրան/ առաջադրված մեղադրանքը լրջորեն խորհրդածելու առիթ է տալիս։
Դրանք՝ ահաբեկչության ֆինանսավորում, զինված խմբավորումների ձեւավորմանը մասնակցություն եւ օտարերկրյա քաղաքացու կողմից Ադրբեջանի հանրապետություն ապօրինի մուտք գործելու համար։
Իհարկե, սրանք աբսուրդ մեղադրանքներ են, բայց պետք է, որ խիստ հետաքրքրեն Նիկոլ Փաշինյանին ու նրա շահերը սպասարկող դատախազաքննչական մարմիններին։

Հարց՝ այդ ինչպե՞ս ստացվեց, որ 2020 թ․ 44-օրյա պատերազմի ողջ ընթացքում ՀՀ գերագույն գլխավոր հրամանատարի դեր ստանձնած փաշինյանը, որ կոչ էր անում զինված խմբավորումներ ձևավորել և գնալ Արցախ- հայրենիքը պաշտպանելու՝ ավելի վաղ չի կալանավորվել, մանավանդ, բազմիցս է եղել Արցախում՝ ոչ միայն 44-օրյայի ընթացքում, այլ իր խոսքով՝ դեռ 2016-ի քառօրյային է մասնակցել՝ իր քպական «ջոկատով»։ Անգամ չի արժանացել ալիեւի կլանի «սեւ ցուցակում» հայտնվել։
Եկեք տեսեք՝ նա հանգիստ շարունակում է պաշտոնավարել՝ ի վնաս հայության, մինչդեռ կալանավորվում են Արցախի և հայության համար պայքարողները։
Թե՞ այսպիսով՝ ալիևյան իշխանությունը հաստատում է, որ նիկոլն իրենց մարդն է։ Ճիշտ այնպես՝ ինչպես տիկին Էրատոն, կանանց գնդի հրամանատարը, որ պարգևների է արժանացել՝ 2020 թվականին պատերազմական գործողություններին մասնակցելու համար։ Միթե՞ նա չէր, որ բունկերում քարտեզն էր ուսումնասիրում և հեռախոսազանգերի պատասխանում․․․
Իսկ մի՞գուցե ճիշտ է ժողովուրդը, թե՝ ազգակցական կապեր կան Էրատոյի և ալիևի նախնիների ու փաշինյան-Մեհրիբան փալշաևա զույգի միջև․․․

Կամ՝ ի՞նչ է, ալիևյան կուռ տրամաբանությամբ՝ Արցախի էջը վաղօրոք փակած և ափալ-թափալ, ֆինկա-ֆուտբոլկայով, գլխարկը գլխին քաշած սյամոբաբայանական ստերի կուտը Հայաստանում կերա՞ն, թե՞ այս գեներալը Արցախում չէր և Արցախի անցակետով չէր անցել՝ իրեն անմիջապես գցելով պետրոսական տաղավար։ Այդ ինչու՞, ինչպե՞ս է, որ ալիև-կրտսերը սեփական պետության օրենքները հատվածաբար, հովհարային կերպով է կիրառում։
Մնում է եզրակացնել, որ նիկոլը, էրատոն և սյամոն օտար չեն ալիևի համար, իսկ Ռուբեն Վարդանյանը, Լևոն Մնացականյանը, Դավիթ Մանուկյանը և այլն․․․ կամ օտարերկրյա քաղաքացիներ են, կամ էլ՝ մասնակցել են զինվորական խմբավորումների կազմում։ Կամ՝ երկուսը՝ միասին․․․

Դե, չէ, չի կարելի ուրանալ քպականների վաստակը՝ 2016-ի ապրիլյան քառօրյայից սկսած՝ մինչև՝ 44-օրյա՝ նրանք զինվորագրված են եղել հանուն Արցախի պայքարում։

Իրենք են խոստովանել, բոթասներով, բանով, Արցախից Գորիս լուսանկարներով՝ ի ցույց աշխարհի։

Ինչ ասես արել են, որ ալիևը քրեական գործ հարուցի, կալանավորի, բայց նա անդրդվելի է։

Մեկ այլ տարբերակ էլ կա՝ փաշինյանի կիրթ գործընկերը Հայաստանից ստացած մեսիջների հիման վրա է քրգործեր հարուցում։

Փաշինյանն իր հայտարարություններով ական է դրել Հայաստանի ամբողջ պետական համակարգի ու պետականության տակ, իսկ Ալիեւն իր այսօրվա մեղադրանքներով՝ Փաշինյանի, նրա ընտանիքի ու քպականների։ Եթե այսօր իրեն սպասարկող քննչական մարմինները քայլեր չձեռնարկեն Բաքվի բարբարոսությունը կանխելու համար, ապա վաղը բոլորն են կանգնելու այդ յաթաղանի տակ։

Աղբյուր` Փաստինֆո