Փաստ ինֆո

Առավոտյան ժամը 10-ի դրությամբ ԼՂ-ից բռնի տեղահանվածների ընդհանուր թիվը 66 500 է՝ ընդ որում նրանց մեծ մասը ՀՀ է տեղահանվել երեկ և դրան նախորդող օրերի ընթացքում։ Եթե սեպտեմբերի 24-ին և 25-ին հանրագումարով տեղահանվել էին 9000 մարդ, ապա միայն ամսի 26-ին տեղահանվածների թիվը 22 800 է եղել, իսկ երեկ՝ 26 200։ Այդ մասին Կառավարության նիստին ասաց փոխվարչապետ Տիգրան Խաչատրյանը։

«Մարդկանց հոսքը չի նվազում։ Գորիսում և Վայքում ստեղծել ենք կետեր, որոնք տեղավորման հարցում 24 ժամյա ռեժիմով աշխատանքներ են տանում։ Ունենք նաև օպերատիվ տվյալներ, թե այս ընթացքում տարբեր մարզերում մեր աջակցությամբ օթևան գտած մարդկանց քանակն ինչքան է։ Նրանց թիվը մոտ է 11 000-ին՝ բաշխվածությունը մարզերի միջև գրեթե նույնն է՝ որոշ քանակով ավել են Կոտայքում և Սյունիքում օթևան գտած մարդիկ»,-ասաց Խաչատրյանը։

Խաչատրյնաը հորդորեց բռնի տեղահանված մեր հայրենակիցներին՝ ըդնունել առաջարկված տարբերակները և նշեց, թե առաջիկայում գործիքներ ենք նախատեսում աջակցության՝ այդ թվում զբաղվածության հետ կապված։

Փոխվարչապետը նշեց, որ Արցախում դեռևս գնտվող և տրանսպորտի ու վառելիքի բացակայության պատճառով ՀՀ տեղափոխվել չկարողացող մեր հայրենակիցներին տեղափոխելու հաամր կտրամադրվեն ավտոբուսներ։ Գորիսում 35 մեծ տարողությամբ ավտոբուսներ կան, ոորնք սպասում են, րո ճանպարահի ծանրաբեռնվածոթյունը թեթևանա, որ կարողանան շարժվել դեպի Ստեփանակերտ։

«Մինչև երեկ երեկոյան ուշ՝ մեքենան Ստեփանակերտից մինչև Կոռնիձոր հասնում էր միջինում 32 ժամում։ Դրա համար էլ հապաղում ենք ավտոբուսներ ուղարկելու հարցում։ Երևի երկու անգամ պետք է կազմակերպվի տեղափոխությունը»,-ասաց Խաչատրյանը։

Փոխվարչապետը նշեց նաև, թե ֆինանսների նախարարի հետ պայմանավորվել են գանձապետական նվիրատվության հաշիվ բացել, որպեսզի այն կազմակերպությունները, որոնք ցանկանում են ֆինանսական աջակցություն ցուցաբերեն, փոխանցեն դրան։

Աղբյուր` Փաստինֆո