Փաստ ինֆո

ՌԴ ԱԳ նախարար Սերգեյ Լավրովը խորհուրդ է տվել Հայաստանի ղեկավարությանը հիշել ԱՄՆ-ին ապավինած երկրների աննախանձելի ճակատագրի մասին։

Պատասխանելով այն հարցին, թե հնարավո՞ր է արդյոք այնպես ստացվի, որ Հայաստանը կորցնի Ռուսաստանին, նա ուշադրություն հրավիրեց, որ Երեւանում մի քանի առաջատար քաղաքական գործիչներ նման սցենար են ուզում եւ նայում են Արեւմուտքի կողմը: «Գիտեք, այնտեղ շատ մարդիկ կան, ովքեր ցանկանում են կորցնել Ռուսաստանին և նոր ընկերներ ձեռք բերել», - ասել է նախարարը ՏԱՍՍ-ին տված հարցազրույցում:

«Եթե նրանք ապավինում են Միացյալ Նահանգներին, ինչպես ուղղակիորեն բխում է Հայաստանի ղեկավարության շատ ներկայացուցիչների արտահայտություններից, ապա, հավանաբար, լավ կլիներ, որ նրանք նայեին նորագույն պատմությանը, թե ինչպես են Միացյալ Նահանգները վարվել նրանց հետ, ում նրանք ձգտում էին իրենց թևի տակ առնել՝ առաջ մղելով իրենց աշխարհաքաղաքական շահերը աշխարհի՝ ամերիկյան ափերից հեռու գտնվող շրջաններում։ Այդ բոլոր մարդկանց ճակատագիրը բավական աննախանձելի է», - նշել Է Լավրովը։

Նա ընդգծել է, որ ամեն դեպքում ՌԴ-ի շահերն Անդրկովկասում աշխարհաքաղաքականորեն անտեսել անհնար է։ «Պատմականորեն, աշխարհագրորեն, աշխարհաքաղաքականորեն անհնար է Ռուսաստանին կորցնել այն իմաստով, որ լիովին անտեսել նրա շահերն Անդրկովկասում», - նշել է ռուսական դիվանագիտության ղեկավարը: - Բայց նման հույսեր են փայփայում Երևանի որոշ ղեկավարներ, և այդ մասին նրանք ուղիղ խոսում են։

Մասնավորապես, Լավրովն ուշադրություն է հրավիրել, որ նման միտք է առաջացել Հայաստանի վարչապետ Նիկոլ Փաշինյանի վերջին ելույթում, որը հայտարարել է «չկայացած միությունները փոխհատուցելու անհրաժեշտության մասին, որոնց վրա Հայաստանն ակնկալում էր իր անվտանգության ապահովման առումով, եւ ընդլայնելու գործընկերների շրջանակը, որոնք կապահովեն այդ անվտանգությունը»:

Աղբյուր` Փաստինֆո