Փաստ ինֆո

Վաղը շարունակում ենք գործադուլը։ Այս մասին այսօրվա հանրահավաքի ընթացքում անդրադառնալով վաղվա գործողություններին՝ ասաց «Ազգային կոմիտեի անդամ» ԱՆդրանիկ Թևանյանը։

Նա ընդգծեց, որ վաղն իրենց ներկայությունը փողոցներում կրկնապատկելու են։ «Ավելի լավ է փողոցում կանգնենք, քան խրամատում։ Վաղը ժամը 8-ից շարունակում ենք բողոքի գործողությունները։

Մասնավորապես՝ ակտիվիստները կհավաքվեն Աջափնկայում ՝ Մարզահամերգային համալիրի դիմաց, Շենգավիթում՝ Գարեգին Նժդեհի հրապարակում, Էրեբունի՝ Սասունցի Դավթի արձանի հարևանությամբ, Կենտրոն 1՝ Կրկեսի խաչմերուկ, Կենտրոն 2՝ Երիտասարդական մետրոյի մոտ, Արաբկիր՝ Սուրբ Խաչ եկեղեցի, Արաբկիր 2՝ Կասյան փողոց՝ Երևան Սիթի հանրախանութի դիմաց, Զեյթուն՝ Ռուբինյանց փողոց՝ Երևան Սիթիի դիմաց, Նոր Նորք՝ Գայի արձանի հարակից հատված, Մալաթիա՝ Անդրանիկի արձան։

Դուք շատ չափազանց կարևոր գործ եք անում, մենք պետք է հոգնեցնենք սրանց։ Ոստիկանին մենք թշնամի չենք համարում, մենք գիտենք, որ ուժային կառույցներում 90 տոկոսը, ենիչերներին հանած, նորմալ, հայրենասեր մարդիկ են, ուղղակի պատանդի կարգավիճակում են»։

Նա նաև հորդորեց ցուցարարներին խուսափել բերման ենթարկվելուց։ «Աշխատում եք բերման չենթարկվել, եթե տեսնում եք՝ գամփռների պես գալիս են ու ուզում են ձեզ բերման ենթարկել՝ ցրվում եք, թռեք ժողովուրդ ջան»։

Վաղվա հաջորդ գործողությունը լինելու է բուհեր այցելությունը։ «Կգնանք կխոսենք։ Ժամի հետ կապված՝ այս պահին չեմ հայտարարում։

Վաղվա մյուս գործողությունը, որը որևէ մեկից առանձապես մեծ ջանք չի պահանջում լինելու է հետևյալը՝ 13։30-ին՝ ով որտեղ գտնվում է ավտոմեքենայով իրակացնում ենք 10 րոպեանոց «քշադուլ», այսինքն, ով որտեղ կա՝ 10 րոպե դադարեցնում ենք մեքենան վարել ու կանգնում ենք։ Եթե ամբողջ քաղաքը այդ գործողությունն իրականացնի՝ ոստիկանությունը ոչինչ չի կարողանա անել, այդքան էվակուատոր ու ոստիկան չկա»,-ասաց Թևանյանը։

Նա ընդգծեց, որ իրենց համար խնդիր են դրել մինչև հոկտեմբերի 5-ը լուրջ մոբիլիզացիա ապահովել և լուծել իշխանափոխության խնդիրը։ «Փաշինյանը հոկտեմբերի 5-ին հանդիպելու է Ալիևի հետ ու մի նոր սարսափելի փաստաթուղթ է բերելու Հայաստանի գլխին, պետք է ամեն ինչ անել, որ դա կախվի։ Պատրաստ եղել մոբիլիզացիայի և պայքարի»։

Աղբյուր` Փաստինֆո