Փաստ ինֆո

Ակնհայտ պայմանավորվածություն եմ տեսնում՝ ՄԱԿ-ի ԱԽ նիստից առաջ Հայաստանի իշխանության կողմից մեծ աջակցություն ադրբեջանական իշխանությանը, որ իր սիրելի Ադրբեջանի իշխանությունը կարողանա արդարացնել իրենց բռնի գործողությունները կամ Նիկոլ Փաշինյանի օգնությամբ դրանք հերքվեն։ Այս մասին «Փաստինֆո»-ի հետ զրույցում ասաց փաստաբան Արսեն Բաբայանը։

Հիշեցնենք, որ ՀՀ նախաձեռնությամբ սեպտեմբերի 21-ին ՄԱԿ ԱԽ նիստ է կայացել՝ շուրջ մեկ տարի շրջափակման մեջ գտնվող Արցախի դեմ Ադրբեջանի հրահրած պատերազմի, արցախցիների զեղասպանման հարցով։ Նիստից առաջ, սակայն, Նիկոլ Փաշինյանը հայտրարարությամբ է հանդես եկել՝ իբրև թե վտանգ չի տեսնում արցախցիների կյանքի համար, ինչն էլ ԱԽ նիստում ադրբեջանցիների կողմից օգտագործվեց ՀՀ-ի դեմ։ Իսկ նիստից հետո արդեն սկսվեցին արցախցիների բռնի տեղահանումները։

Փաշինյանի այս հայտարարությունը Արսեն Բաբայանը պայմանավորվածություն է գնահատում։

«Եղբայրը եղբորը օգնեց, ինչն օբյեկտիվ է երևի՝ եղբայրներն ընդհանրապես իրար օգնում են »,- նշեց Բաբայանը։
Դիտարկմանը, որ այդ հայտարարության նախօրեին ՀՀ ՔԿ-ն հաղորդագրություն էր տարածել՝ Ադրբեջանի գործողությունները որակելով որպես ցեղասպանական, արդյոք դա նաև ուղղորդում չէ՝ իրավապահ համակարգի համար՝ Ադրբեջանի դեմ գործերը կոծկելու համար, Բաբայանն արձագանքեց.« Մենք պետք է դուրս գանք այն մտածողությունից, որ ակնարկներ կարող են արվել, ուղղորդումներ: Ոչ, նման բան չկա, ուղղորդումներն էլ, հանձնարարականներն էլ տրվում են ուղիղ՝ Նիկոլ Փաշինյանը վերցնում է հեռախոսը, զանգում գլխավոր դատախազին, քննիչին, ոստիկանապեսին, ասում՝ այսպես կանեք։ Պետք չէ ընկնել այս կողմ- այն կողմ, դրանք ձևական բաներ են։ Ի վերջո, բոլորս գիտենք, որ գործ ունենք անկայուն մարդու հետ, որն ինքն էլ առանձնապես իր գործողություններով շատ հակասող է, ինքը գիտի մի բան՝ գիտի, որ Արցախը պետք է տար, տվել է արդեն, գիտի, որ պետք է հնարավորինս վնասի Հայաստանին՝ վնասում է։ Ուղղակի այդ ընթացիկ գործողություններում մեկ մի բան է ասում, հետո՝ շտկում է։ Ինչ է արել ՔԿ-ն՝ կարևոր չէ, կանի այն, ինչ ասում է Նիկոլ Փաշինյանն իր ելույթում կամ կզանգի…»։

Ի. Ս.

Աղբյուր` Փաստինֆո