Փաստ ինֆո

Լեռնային Ղարաբաղը այսօր էլ էթնիկ զտումների վտանգի առաջ է։ Եթե ԼՂ հայերի՝ իրենց տներում ապրելու իրական պայմաններ և էթնիկ զտումներից պաշտպանության գործուն մեխանիզմներ չստեղծվեն, հավանականությունը, որ ԼՂ հայերը իրենց կյանքն ու ինքնությունը փրկելու միակ միջոցը կտեսնեն հեռացումը իրենց հայրենիքից, չափազանց մեծանում է:

Այսօր նման հայտարարությամբ է հանդես եկել ՀՀ վարչապետ Նիկոլ Փաշինյանը` նշելով, որ իրադարձությունների նման զարգացման պատասխանատվությունն ամբողջությամբ կընկնի էթնիկ զտումների քաղաքականությունը որդեգրած Ադրբեջանի ու ԼՂ-ում ռուս խաղաղապահների վրա:

Նա վստահեցրել է, որ Ի ՀՀ կառավարությունը միջազգային գործընկերների հետ աշխատում է ԼՂ հայերի իրավունքերի և անվտանգության ապահովման միջազգային մեխանիզմների ձևավորման վրա։ Բայց եթե այդ ջանքերը կոնկրետ արդյունքներ չտան, ապա կառավարությունը ԼՂ մեր քույրերին ու եղբայրներին ամենայն հոգատարությամբ կընդունի Հայաստանի Հանրապետությունում:

Փաշինյանը նաեւ նշել է, որ վերջին տարիներին Հայաստանի դեմ Ադրբեջանի ձեռնարկած հարձակումները ակնհայտ եզրակացության են բերում, որ արտաքին անվտանգության համակարգերը, որոնց ներգրավված ենք, արդյունավետ չեն Հայաստանի պետական շաերի ու անվտանգության տեսակետից:

Աղբյուր` Փաստինֆո