Փաստ ինֆո

«Ունենք այն արդյունքը, որն այսօր ունենք և մենք որևէ բան չունենք՝ սրտնեղելու կամ մտահոգվելու, որովհետև մարդիկ կատարեցին իրենց ընտրությունը։ Հատկապես ինձ զանգում և ասում են՝ դուխդ չգցես և ես ասում եմ՝ պատճառ չունեմ դուխս գցելու, որովհետև արել եմ առավելագույնը և համոզված եմ, որ համեմատ այն ռեսուրսների, որ մենք ունեինք և կարողացանք այս քարոզարշավն իրականացնել, ես լսելի եմ եղել մարդկանց համար»,- այսօր հրապարակած իր տեսաուղերձում ասել է ավագանու ընտրություններում պարտված՝ «Լուսավոր Հայաստան» կուսակցության քաղաքապետի թեկնածու Դավիթ Խաժակյանը։ Նա միաժամանակ շնորհակալություն է հայտնել իրենց քվե տված ընտրողներին, թիմակիցներին և կուսակցության ղեկավարին։

Հիշեցնենք՝ երեկ Երևանում տեղի ունեցան քաղաքային իշխանության ընտրություններ, որի արդյունքում ԿԸՀ-ն հրապարակեց նախնական արդյունքները, ըստ որի` 234 436 ընտրողների քվեարկության արդյունքներով, Երևանի ավագանի ընտրվելու անհրաժեշտ շեմը հաղթահարել է հինգ ուժ, ընդ որում` ՔՊ-ն, կարելի է ասել, պարտվել է: Այսպես` իշխանության կուսակցության` ՔՊ-ի, օգտին քվեարկել է ընդամենը 75463 ընտրող, որը կազմում է քվեարկությանը մասնակցածների 32.57 %, երկրորդ տեղում է «Ազգային առաջադիմությունը»` 18,89 % (43.765), երրորդ տեղում է «Մայր Հայաստանը»`15, 43 %, (35.739), «Հանրապետություն»`11, 32 % ձայն (26.236): Ավագանի ընտրված հաջորդ ուժը «Հանրային ձայնն» է, որի օգտին քվեարկել է մասնակիցների `9, 68 %-ը (22.431)։

«Լուսավոր Հայաստան» կուսակցության ավագանու թեկնածուն հավելել է՝ իր համար կա մի մեծ բան, որ որպես վերջնարդյունք դեռևս չավարտված մի թնջուկ է՝ ընտրությունների արդյունքում մեծամասնություն չի ձևավորվել.«Կարծես թե երկու եզրային տարբերակ կա և 32 – 33 մանդատի տարբերութուն, որն, ակնհայտորեն, որոշակի անկայունության է բերելու։ Այս փուլում ամենակարևորն այն է, որ այն խմբակցությունները, որոնք ներկայացված կլինեն Երևանի ավագանիում, կարողանան մի կողմ դնել քաղաքական և կուսակցական ամբիցիաներն ու քաղաքային իշխանություն ձևավորեն, որովհետև մեր քաղաքը պատրատ չէ՝ չունենալ քաղաքապետ»։

Մանրամասները՝ տեսանյութում

Աղբյուր` Փաստինֆո