Փաստ ինֆո

Մենք բոլոր վարչական շրջաններով անցանք և հանրությանը կարողացանք տեղ հասցնել մեր օրակարգը. մենք առաջին օրվանից ասել ենք, որ Արցախի հարցն ենք դնելու քարոզարշավի հիմքում, քանի որ չենք կարող ասել, թե թող 120 հազար Արցախցի այնտեղ սովից մեռնի, իսկ մենք ինչ-որ ռեմոնտի խնդիր լուծենք։ Այս մասին այսօր հրավիրված ասուլիսում ասաց «Մայր Հայաստան» դաշինքի քաղաքապետի թեկնածու Անդրանիկ Թևանյանը։

«Իշխանությունը չդիմացավ այդ օրակարգին ու չմտավ դրա մեջ։ Վերջում մեկի նյարդերը չդիմացան ու ինչ-որ բան ասեց, այ, որ ինքը 23-ից մտներ՝ մեր գործը շատ ավելի լավ կլիներ;

Եթե նկատել եք՝ ես որևէ թեկնածու ի անդրադարձ չեմ արել, որովհետև իմ խնդիրը Նիկոլ Փաշինյանի հետ է, հիմա մենք կարողացել ենք դա օրակարգային հարց դարձնել»։

Նա ընդգծեց, որ այս առումով իրենք հաջողել են, քանի որ 1 ամսվա դաշինքը մտավ ընտրապայքարի մեջ ու հաջողություն ունեցավ։
«Մենք հիմա պարտավոր ենք ասել, որ մեր օրակարգում բան չի փոխվել, ոչ մի տեղ չեն հեռացել այն վտանգները, որ մեզ սպառնում են։ Շատ կարևոր է արձանագրել, որ Էրդողանը փաստացի Նիկոլ Փաշինյանի հետ համաձայնության է եկել ոչ միայն ՌԴ-ին, այլև Իրանին այս տարածաշրջանից հեռացնելու։

Շատ վտանգավոր գործընթաց է գնում 2+2 ֆորմատ են առաջարկում թուրքերը, իսկ Փաշինյանն ասում է՝ ես օքեյ եմ այդ առւոմով։ Որպեսզի մեր ժողովուրդը պատկերացնի, թե դա ինչ է նշանակում, դա կարող է ՀՀ-ի վերջը լինել։ Խաղաղապահները Արցախից կհեռանան, Իրանին տարածաշրջանից քշեն, մենք դա ենք համարում գլխավոր օրակարգային հարցը և Երևանն օգտագործեցին դրա համար։ Մեր մոտ ստացվել է ու մենք պետք է օգտագործենք այդ հաջողությունը»։

Աղբյուր` Փաստինֆո