Փաստ ինֆո

Գելլափ ինթերնեյշնլի կողմից, սեպտեմբերի 5-6-ն իրականացրած հարցումների համեմատ, Երևանի ավագանու առաջիկա ընտրությունների մասնակցության հայտ ներկայացրած քաղաքական ուժերին ընտրողների թվի ցուցանիշներում աճ է գրանցվել։ Լրագրողներին այս մասին հայտնեց միջազգային ընկերության հայաստանյան ներկայացուցչության տնօրեն Արամ Նավասարդյանը։

Տեղեկացնանք, որ կազմակերպությունը, սեպտեմբերի 12-13-ը, Երևանի ամբողջ տարածքում, հեռախոսազանգերի միջոցով իրականացված հարցումների ժամանակ հետաքրքրվել էր, թե որ ուժին են նրանք պատրաստվում տալ իրենց քվեն։

Հարցվածների 22.5 տոկոսն ասել էր, որ ընտրելու է իշխանական «ՔՊ» կուսակցության թեկնածու Տիգրան Ավինյանին։

14.3 տոկոսը՝ «Ազգային առաջընթաց» կուսակցությանը՝ Հայկ Մարությանի գլխավորությամբ։ «Մայր Հայաստան» կուսակցություններիդ դաշինքիթեկնածու Անդրանիկ Թևանյանին ձայն տալու մասին հայտնել է հարցվածների 7.8 տոկոսը,

«Հանրային ձայն» կուսակցության թեկնածու Արտակ Գալստյանին ընտրելու է 6.7 տոկոսը, իսկ «Ապրելու երկիր» կուսակցության թեկնածու Մանե Թանդիլյանին՝ 5.7 տոկոսն է նշել։ «Հանրապետություն» կուսակցությանը ձայն տալու մասին հայտնել է հարցվածների 5.2 տոկոսը և «Լուսավոր Հայաստան» կուսակցության թեկնածու Դավիթ Խաժակյանին ձայն տալ պատրաստվում է 3.8 տոկոսը, իսկ մի փոքր պակաս՝ 3.6 տոկոսն ասել է, որ ձայն է տալու «Հաղթանակ» կուսակցության թեկնածու Վիկտոր Մնացականյանին։

Հարցին դժվարացել է պատասխանել հարցվածների 9.9 տոկոսը։ Իսկ 11,6 տոկոսը հրաժարվել է պատասխանել հարցին։

«Չնայած բոլորի ցուցանիշներում է առաջընթաց եղել, այդուհանդերձ, ամենաշատ՝ մոտ 6 տոկոս աճ գրանցել է ՔՊ կուսակցության ցուցանիշում։ Ամենանվազ առաջընթացն այս ընթացքում ունի Հայկ Մարությանի՝ «Ազգային առաջընթաց» կուսակցությունը՝ մոտ 2 տոկոսով։

Մենք տեսնում ենք, որ առաջնության առումով տեղափոխություններ են եղել և «Հանրային ձայն»-ն առաջ է անցել «Ապրելու երկիր» կուսակցությունից»,- ասաց նա։

Նավասարդյանը նկատել, որ հարցման արդյունքները ներկայացնում են մինչև սեպտեմբերի 11-ն իրականացված քարոզարշավի արդյունքների պատկերը։ Այդուհանդերձ, նա չբացառեց, որ վերջին օրերին տեղի ունեցած իրադարձությունները կարող են փոփոխություններ մտցնել ներկայացված ցուցանիշներում։ Հերթականությունը, սակայն, ըստ նրա, կպահպանվի։

«Եթե այս իրավիճակը պահպանվի ու մեր հայրենակիցների մասնակցությունը մնա այնքան, ոարքան իրենք նշել են՝ 55 տոկոս, մի գուեև ավելի, ապա կան շանսեր, որ գրեթե 7 կուսակցություն ունենա ներկայություն՝ ավագանիում»,- ասաց նա։

Աղբյուր` Փաստինֆո